មានរឿងរ៉ាវដ៏គួរឱ្យហួសចិត្តអស់សំណើចមួយនៅប្រទេសចិន ដែលបុរសម្នាក់ខំលាក់ចិញ្ចៀនទុកក្នុងនំខេក ដើម្បី Surprise សុំសង្សាររៀបការ តែនាងមកផ្ទះវិញឃ្លានពេកក៏កាត់នំខេកញ៉ាំ ខាំប៉ះចំចិញ្ចៀនបាក់ជាពីរកំណាត់។
តាមព័ត៌មានបានឱ្យដឹងថា ខាងប្រុសបានមានគម្រោង Surprise ខាងស្រីដោយយកចិញ្ចៀនទៅលាក់ទុកក្នុងនំខេក ដើម្បីសុំនាងរៀបការ។ លុះខាងស្រីមកផ្ទះវិញ ឃ្លានពេក ហើយឃើញនំខេកនៅក្នុងទូទឹកកក ក៏បានកាត់មួយដុំមកអង្គុយញ៉ាំ ស្រាប់តែប៉ះខំរបស់អ្វីម្យ៉ាងរឹងៗ ដល់ខ្ជាក់មកមើលក៏ឃើញថាជាចិញ្ចៀន ដែលបានបាក់ជាពីរកំណាត់ទៅហើយ។
យ៉ាងណាមិញ ខាងប្រុសក៏បានប្រញាប់រត់មកមើល ហើយពិតជាហួសចិត្តផង និង អស់សំណើចផង តែក៏នៅតែសុំនាងរៀបការទៅតាមគម្រោងដដែល។ ដោយឡែក មហាជនឃើញហើយក៏អស់សំណើចមិនចាញ់គ្នា ជាពិសេសគឺម្នាក់ៗសរសើរធ្មេញរបស់ខាងស្រីដែលខាំចិញ្ចៀនដល់ទៅបាក់ជាពីរ ហើយក៏មានអ្នកខ្លះទៀតជួយដាស់តឿនឱ្យមានការប្រុងប្រយ័ត្នផងដែរចំពោះរឿងនេះ ព្រោះអាចបង្កជាគ្រោះថ្នាក់បាន៕
ប្រភព៖ Sanook
