នៅថ្ងៃទី ០៩ ខែតុលា ឆ្នាំ ២០២៥ នេះ ជាថ្ងៃខួបកំណើតតារាចម្រៀងស្រី បាន មុន្នីល័ក្ខ គេបានឃើញអ្នកគាំទ្រ និង មិត្តភក្តិទាំងក្នុង ក្រៅសិល្បៈ បានចូលរួមអបអរសាទរ និង ជូនពរដល់ស្រីស្អាតរូបនេះជាហូរហែ។
ក្នុងនោះដែរ អ្វីដែលកាន់តែរំភើបនោះ នំខួបកំណើត ដែល កញ្ញា បាន មុន្នីល័ក្ខ ទទួលបានក្នុងថ្ងៃកំណើតឆ្នាំនេះដំបូងគេនោះ គឺបានពីមនុស្សពិសេស ពោលគឺ លោកឪពុកអ្នកម្តាយរបស់កញ្ញាតែម្តង។
យ៉ាងណាមិញ ក្នុងថ្ងៃកំណើតកើនអាយុថ្មីនេះដែរ កញ្ញា បាន មុន្នីល័ក្ខ បានបង្ហោះរូបភាព កាន់នំខេក ដែលទទួលបានពីអ្នកមានគុណ និង អមនូវសារយ៉ាងកតញ្ញូថា ៖ «កេីនអាយុបាន ១ ឆ្នាំទៀតហេីយ! ៩/១០/២០២៥ ជាថ្ងៃពិសេសរបស់កូន ដែលម៉ាក់បានលះបង់ដ៏ធំធេងដេីម្បីកូនស្រីម្នាក់នេះ។ អ្វីដែលកូនចង់បាន គឺសុំឱ្យតែអ្នកមានគុណទាំងពីរ (ប៉ាម៉ាក់) មានសុខភាពល្អ អាយុយឺនយូរ និង ជួបតែសេចក្ដីសុខពេញមួយជីវិត។ ឱ្យតែប៉ាម៉ាក់សប្បាយចិត្ត កូនក៏មានក្ដីសុខហេីយ! អរគុណបងប្អូន ចំពោះក្ដីស្រលាញ់ចំពោះនាងខ្ញុំ»៕
