មានករណីដ៏គួរឱ្យហួសចិត្តមួយនៅប្រទេសចិន ដែលមានក្មេងប្រុសម្នាក់ខឹងឪពុកបន្ទោសរឿងធ្វើការផ្ទះមិនហើយ ស្រាប់តែរត់ទៅប្តឹងប៉ូលិសថាឪពុកលួចលាក់ថ្នាំញៀន ធ្វើឱ្យប៉ូលិសចុះមកឆែកឆេរដល់ក្នុងផ្ទះ។
តាមព័ត៌មានបានឱ្យដឹងថា ក្មេងប្រុសរូបនេះមានវ័យ ១០ ឆ្នាំ គេត្រូវបានឪពុកបន្ទោស ព្រោះតែរឿងធ្វើកិច្ចការសាលាមិនហើយ។ ក្មេងប្រុសរូបនេះខឹងចិត្តពេក ក៏ស្រាប់តែបានរត់ចេញទៅក្រៅផ្ទះ ទៅខ្ចីទូរស័ព្ទអ្នកជិតខាង រួចខលទៅប៉ូលិសប្រាប់ថាឪពុករបស់ខ្លួនមានលួចលាក់គ្រឿងញៀននៅក្នុងផ្ទះ។
ប៉ូលិសបានចុះមកដល់ផ្ទះរបស់ក្មេងខាងលើ ហើយក៏បានឆែកឆេរទៅឃើញថាមានផ្កាអាភៀនចំនួន ៩ ដើម តែឪពុកប្រកែកថាដើមនេះទុកគ្រាន់តែព្យាបាលជំងឺប៉ុណ្ណោះ។ តែយ៉ាងណាមិញ ចុងក្រោយឪពុកនៅតែមិនរួចខ្លួន ដោយត្រូវប៉ូលិសបញ្ជូនទៅមណ្ឌលបន្សាបគ្រឿងញៀន និង ដំណើរការទៅតាមផ្លូវច្បាប់៕
ប្រភព៖ World Forum
