បើរំឭកពីកម្មវិធីប្រកួតចម្រៀងកុមារ The Voice Kid Cambodia រដូវកាលទី ១ អំឡុងឆ្នាំ ២០១៧ អាចនឹងមានមហាជនមួយចំនួន នៅចងចាំកុមារីវ័យឆ្លាត សំឡេងពីរោះ កូនកាត់ចិន ស៊ីវហេង ដែលជាកូនក្រុមរបស់អ្នកនាង សុគន្ធ និសា ជាក់ជាមិនខាន។
យ៉ាងណាមិញ បើគិតមកដល់ពេលនេះ ស៊ីវហេង បានពេញវ័យ ស្រស់សោភា ដោយនាងតែងតែបង្ហាញសកម្មភាពនានានៅលើបណ្តាញសង្គមហ្វេសប៊ុក ធ្វើឱ្យអ្នកគាំទ្រនៅតែបន្តចាប់អារម្មណ៍រូបនាងដដែល។
ងាកមកកាន់ទំនាក់ទំនងរវាង ស៊ីវហេង និង គ្រូបង្វឹក គឺអ្នកនាង សុគន្ធ និសា ឯណោះវិញ ថ្មីនេះ ស៊ីវហេង បានបង្ហោះរូបភាពជុំគ្នាជាមួយនឹងអ្នកនាង សុគន្ធ និសា ក្នុងពិធីមង្គលការមួយ ព្រមទាំងអមនូវសារមួយ ក្រោយខានជួបគ្នារយៈពេល ៨ ឆ្នាំ។
ក្នុងនោះ ស៊ីវហេង បានរៀបរាប់ថា៖ «ក្មួយខានជួបមីង និសា ៨ ឆ្នាំហើយ ឥឡូវបានជួបមីងនៅក្មេងស្អាតដដែល អត់ចាស់ទេ»៕
