ខាត់ សុឃីម ទម្លាយរឿងធ្លាប់រាប់អានមិត្តក្លែងក្លាយ ដំបូងធ្វើល្អឱ្យយើងជឿស្លុងដល់ថ្នាក់ហ៊ានប្រាប់រឿងផ្ទាល់ខ្លួនគ្រប់យ៉ាង ចុងក្រោយក៏បំផ្លាញ់យើង

ជាការពិតណាស់ មហាជននិយមតាមដានហ្វេសប៊ុកតារាស្រីពហុជំនាញ អ្នកនាង ខាត់ សុឃីម ច្បាស់ជាបានជ្រាបខ្លះៗមកហើយ ដោយ​កន្លងមក អ្នកនាង ធ្លាប់បានជម្រាបពីបទពិសោធជីវិត ក្នុងការរាប់អានមនុស្សជុំវិញខ្លួន។

យ៉ាងណាមិញ ថ្មីៗនេះ អ្នកនាង ខាត់ សុឃីម ក៏បានបង្ហោះវីដេអូមួយរៀបរាប់ពីបទពិសោធផ្ទាល់ខ្លួន ដែលធ្លាប់ជួបរឿងខកបំណងពីការរាប់អានមនុស្សខុស រហូតដេកយំថែមទៀត។

ក្នុងនោះ អ្នកនាង ខាត់ សុឃីម បានឱ្យដឹងថា មានមនុស្សខ្លះក្លែងមកធ្វើជាមនុស្សល្អ ថាចូលចិត្ត ស្រឡាញ់គ្រប់សព្វបែបយ៉ាង ឱ្យយើងជឿទុកចិត្ត រហូតឱ្យយើងជឿជាក់ហ៊ានប្រាប់ពីរឿងរ៉ាវផ្ទាល់ខ្លួន គ្រួសារ ការរកស៊ីទៅគេ តែចុងក្រោយបែរជាមកបំផ្លាយយើងទៅវិញ។

លើសពីនោះ អ្នកនាង ខាត់ សុឃីម បានបន្តថា ពេលខ្លះអ្នកនាង ដេកយំ រហូតមកដល់ពេលនេះ អ្នកនាង គឺមិនរាប់អានអ្នកណាម្នាក់ស្និទ្ធស្នាលខ្លាំង និង ទុកចិត្តខ្លាំងនោះឡើយ ពោលគឺមានតែប្តីរបស់អ្នកនាងម្នាក់ប៉ុណ្ណោះ ដែលជាមនុស្សអ្នកនាងទុកចិត្ត៕

សូមចុចទីនេះ ដើម្បីទស្សនាវីដេអូ៖