កំហុសអ្នកណា? វ័យទើប ១៧ ឆ្នាំដាច់ចិត្តបញ្ច.-ប់ជីវិតពេលដឹងប្រឡងធ្លាក់ តាមពិតគ្រូបូកពិន្ទុខុស ឯម្តាយដឹងហើយយំគាំង

កាលពីថ្មីៗនេះ មានករណីក្មេងប្រុសវ័យ ១៧ ឆ្នាំម្នាក់ ឈ្មោះ Alex Henshaw បានសម្រេចចិត្តបញ្ចប់ជីវិតខ្លួនឯងទាំងមិនស្តាយ ព្រោះតែខកចិត្តរឿងប្រឡងធ្លាក់ តែដល់ស្អែកឡើងទើបម្តាយដឹងថាពិន្ទុកូនត្រូវគេបូកខុស តាមពិតកូនប្រឡងជាប់សោះ។

តាមព័ត៌មានបានឱ្យដឹងថា Alex មកពីប្រទេសអង់គ្លេស គេជាក្មេងប្រុសឆ្លាត ដែលពូកែក្នុងការលេងហ្គេមរហូតបានដល់ប្រកួតជាប់ជាអ្នកលេងលំដាប់ថ្នាក់ពិភពលោក។ Alex បានរៀននៅ Basingstoke College of Technology  ផ្នែក BTEC ដែលជាផ្នែកបង្កើត និង ឌីហ្សាញហ្គេម ដោយគេមានគម្រោងនឹងចូលធ្វើការក្នុងក្រុមហ៊ុនបង្កើតហ្គេមនៅថ្ងៃអនាគត ប៉ុន្តែកាលពីខែកញ្ញា ឆ្នាំ ២០២៤ កន្លងទៅ ការចេញលទ្ធផលប្រឡង GCSE ដែល Alex បានដឹងថាខ្លួនធ្លាក់មុខវិជ្ជាគណិតវិទ្យា ដែលជាមូលហេតុជំរុញឱ្យ Alex សម្រេចចិត្តសម្លាប់ខ្លួន ដោយមិនបានផ្តែផ្តាម្តាយសូម្បីមួយម៉ាត់។

យ៉ាងណាមិញ លុះ Alex បាត់បង់ជីវិតហើយ ស្រាប់តែថ្ងៃស្អែកឡើងម្តាយរបស់គេបានទទួលអ៊ីមែលមកថា តាមពិតទៅ Alex ប្រឡងជាប់ទេ ក្រោយពីការត្រួតពិនិត្យពិន្ទុជាថ្មីតាមរយៈ System ។ រឿងរ៉ាវនេះ បានធ្វើឱ្យឪពុកម្តាយរបស់ Alex មានការសោកស្តាយខ្លាំងណាស់ ព្រោះបានបាត់បង់កូនប្រុសត្រឹមតែមួយប៉ប្រិចភ្នែក ដោយសារតែការយល់ច្រឡំ​​ ហើយកូនថែមទាំងពូកែ និង កំពុងតែមានអនាគតល្អទៀត៕

ប្រភព៖ Sanook