ក្រោយពីឃើញមានវត្តមានរបស់ក្រុមយុវជនវ័យជំទង់របស់ខ្មែរ ទៅដល់ប្រាសាទតាមាន់ធំដែលស្ថិតនៅក្នុងទឹកដីប្រទេសកម្ពុជា ប្រជាជនថៃជាច្រើនមានការមិនពេញចិត្តជាខ្លាំង ដោយរកលេសចោទថាក្រុមនេះទៅបង្ករឿង ដែលធ្វើឱ្យមេទ័ពភូមិភាគ ២ គំរាមបិទប្រាសាទទៀតផង។
យ៉ាងណាមិញ ថ្មីៗនេះ មានក្រុមក្មេងស្ទាវលេងម៉ូតូមួយក្រុមរបស់ថៃ បានកំពុងតែប្រមូលបក្ខពួកនាំគ្នាមកកាន់ប្រាសាទតាមាន់ធំដែរហើយនៅថ្ងៃទី ២៧ ខែកក្កដា ខាងមុខនេះ ដោយយកលេសថាមកលើកទឹកចិត្តក្រុមទាហានដែលឈរជើងនៅប្រាសាទតាមាន់ធំ តែឆ្លៀតដៀលក្រុមយុវជនវ័យជំទង់របស់ខ្មែរថា ជាក្រុមក្មេងសក់បាំងភ្នែក និង មិនងូតទឹក ហើយនិយាយឌឺដងថា ឱ្យគ្នាឯងងូតទឹកឱ្យស្អាត កាត់សក់ឱ្យស្អាត ក្រែងលបែងចែកមិនដាច់ថាជាជនជាតិថៃ ឬជនជាតិខ្មែរ។
ដោយឡែក មិនដឹងថាក្រុមមួយនេះមកប្រាសាទតាមាន់ធំមានបំណងពិតប្រាកដយ៉ាងណាឡើយ តែមើលទៅអាចមិនមានចេតនាល្អនោះទេ ព្រោះមិនទាន់មកដល់ផងក៏បញ្ចេញចរិតក្អេងក្អាងគួរឱ្យស្អប់ខ្ពើមបែបនេះរួចទៅហើយ៕
ប្រភព៖ AMARINTV
