ក្រោយគ្រងតំណែងក្នុងកម្មវិធី Miss Cosmo Cambodia រយៈពេលជិត ២ សប្ដាហ៍មកនេះ ឃើញថាកញ្ញា ផន ស្រីពី បវរកញ្ញាឯក Miss Cosmo Cambodia 2025 កំពុងបំពេញតួនាទីយ៉ាងសកម្ម និង ត្រៀមខ្លួនបង្ហាញសមិទ្ធផលថ្មីៗសម្រាប់លើកមុខមាត់ប្រទេស ដែលពេលនេះនាងកំពុងបំពេញការងារលើឆាកអន្តរជាតិផ្សេងៗ។
ជាក់ស្ដែង ប៉ុន្មានថ្ងៃកន្លងទៅនេះ គេបានឃើញម្ចាស់មកុដ Miss Cosmo Cambodia 2025 ផន ស្រីពី ជាមួយបវរកញ្ញាឯករង ប៊ី សុធារី បានធ្វើដំណើរទៅកាន់ប្រទេសវៀតណាម ដើម្បីចូលរួមកម្មវីធី Fashion Show ក្នុងនាមជាសមាជិក Miss Cosmo លើកដំបូង ដែលអ្នកទាំងពីរបានដើរបង្ហាញម៉ូដយ៉ាងលេចធ្លោក្នុងកម្មវិធី «The Moon” Fashion Show»។
លើសពីនេះ បន្ទាប់ពីចូលរួមកម្មវិធី Fashion Show ចប់ដោយរលូន ឃើញថាចំពោះម្ចាស់មកុដ MCC 2025 ផន ស្រីពី ក៏ទទួលបានឱកាសធំៗបន្តបន្ទាប់ទៀតលើទឹកដីប្រទេសវៀតណាម ដែលនាងត្រូវបានគេអញ្ជើញដើរម៉ូដក្នុងកម្មវិធី «Aquafina Vietnam International Fashion Week» បន្តទៀត ព្រមទាំងមកដល់ថ្ងៃទី ៩ ខែមិថុនា ឆ្នាំ ២០២៥ នេះ ក៏បានឃើញវត្តមានរបស់នាងដើរបង្ហាញម៉ូដលើឆាក «The Cosmo Carnival Show by NAM A BANK» ទៀតផង៕
