ក្រោយពីការប្រកួតយ៉ាងស្វិតស្វាញ និង ចូលរួមសុទ្ធសឹងតែបេក្ខភាពជើងខ្លាំងហើយនោះ ទីបំផុតកម្មវិធី Miss Cosmo Cambodia 2025 បានស្វែងរកឃើញបវរកញ្ញាឯកតំណាងឱ្យកម្ពុជាទៅប្រកួតលើឆាកអន្តរជាតិហើយ ដោយតំណែង Miss Cosmo Cambodia 2025 បានទៅលើ កញ្ញា អ៊ិន ស្រីពី ខណៈតំណែងបវរកញ្ញាឯងរងបានទៅលើ កញ្ញា ប៊ី សុធារី។
ក្នុងលទ្ធផលខាងលើនេះដែរ បវរកញ្ញាឯក MCC 2025 កញ្ញា ផន ស្រីពី បាន និង កំពុងធ្វើឱ្យមហាជនអបអរសាទរ និង ចែករំលែកលើបណ្តាញសង្គមហ្វេសប៊ុកជាហូរហែ ពីសមត្ថភាពនៃការត្រឡប់របស់ ផន ស្រីពី មកលើវិស័យបវរកញ្ញា ពិតជាស័ក្តិសមនឹងជ័យជម្នះនេះយ៉ាងខ្លាំង។
ដោយឡែក មុននឹងឈានដល់ការប្រកាសលទ្ធផលម្ចាស់មកុដផងនោះ កញ្ញា អ៊ិន ស្រីពី ក៏កាន់តែធ្វើឱ្យអ្នកគាំទ្ររំភើបចិត្ត ខណៈនាងទទួលបានពានរង្វាន់សំខាន់ៗចំនួន ៤ ទៀត រួមមាន «Best in National Costume», «Best in Swimsuit», «Best in Evening Gown» និង «Best in MAKE-UP CHALLENGE»។
គួរជម្រាបថា ក្នុងនោះបេក្ខភាពបវរកញ្ញាជើងខ្លាំង ៤ រូបទៀតក៏ទទួលបានជ័យលាភីគាប់ចិត្តដែរ ដោយជ័យលាភីរងទី ១ បានទៅលើស្រីស្អាត ប៊ី សុធារី , ជ័យលាភីរងទី ២ បានទៅលើស្រីស្អាត មាន សុវណ្ណា, ជ័យលាភីលំដាប់រងទី ៣ បានទៅលើស្រីស្អាត អាសូរា ម៉ូនីកា និង ជ័យលាភីលំដាប់រងទី ៤ បានទៅលើស្រីស្អាត សារ៉ាន គឺមឡាង៕
