ប៉ុន្មានថ្ងៃមកនេះ អ្នកលេងបណ្តាញសង្គមហ្វេសប៊ុក ជាពិសេសអ្នកគាំទ្រតារាចម្រៀង មាស សុខសោភា មានការភ្ញាក់ផ្អើលយ៉ាងខ្លាំង ក្រោយពី តាសក់សភ្នំត្បែង បានធ្វើការ Live លើហ្វេសប៊ុក និង បានឱ្យដឹងថា លោកជាស្វាមីរបស់ មាស សុខសោភា។
ក្នុងនោះដែរ ក្រោយទទួលបានដំណឹងផ្ទាល់មាត់ពី តាសក់សភ្នំត្បែង ពីទំនាក់ទំនងនឹងអ្នកនាង មាស សុខសោភា ហើយក៏មានការផ្ទុះការវែកញែកជាថ្មី ទៅកាន់តារាចម្រៀងស្រីរូបនេះជាបន្តបន្ទាប់។
ងាកទៅគណនីហ្វេសប៊ុករបស់ តាសក់សភ្នំត្បែង ឯណោះវិញ កាលពីយប់ថ្ងៃទី ២៣ ខែកក្កដា ឆ្នាំ ២០២៥ កន្លងទៅ ស្រាប់តែបានប្តូររូប Profile ពីឈុតតាឥសី ទៅជារូបក្នុងឈុតសម្លៀកបំពាកស៊ីវិលវិញ ធ្វើឱ្យមានការចាប់អារម្មណ៍យ៉ាងខ្លាំងពីអ្នកលេងបណ្តាញសង្គមហ្វេសប៊ុក។
ក្នុងនោះដែរ អ្វីដែលកាន់តែភ្ញាក់ផ្អើល គឺគេបានឃើញ លោក អ៊ិត រ៉ាដា អតីតស្វាមីតារាចម្រៀង មាស សុខសោភា ក៏បានចែករំលែករូបភាពនោះ និង អមសារជាភាសាអង់គ្លេសថា ៖ «What happen to saving the world? Wheres the Tiger outfit?» ដោយមានន័យថា ៖ «តើមានអ្វីកើតឡើងក្នុងការសង្គ្រោះពិភពលោក? ឈុតខ្លាទៅឯណាហើយ?»៕
