រយៈពេលជិតកន្លះឆ្នាំមកហើយ ដែលបវរកញ្ញា រឿន ណាត និង លោក លាង វេងហួរ បានឃ្លាតឆ្ងាយពីការងារសិល្បៈ និង វិស័យបវរកញ្ញា ដោយអ្នកទាំងពីរបានដឹកដៃគ្នាទៅរស់នៅសាងគ្រួសារលើទឹកដីសហរដ្ឋអាមេរិក បន្ទាប់ពីភ្ជាប់ពាក្យតាមប្រពៃណីខ្មែររួច។
មកដល់ពេលនេះ បវរកញ្ញា និង បុរសឯកមួយគូនេះ ក៏បានប្ដូរឈ្មោះពីគូដណ្ដឹងទៅជាស្វាមីភរិយាស្របច្បាប់ហើយដែរ ក្រោយពីបានឃើញរៀបចំពិធីមង្គលការបែបបស្ចឹមប្រទេសយ៉ាងស្ងាត់ៗ និង សាមញ្ញនៅសហរដ្ឋអាមេរិក។
លើសពីនេះ បន្ទាប់ពីរៀបការក្លាយជាប្ដីប្រពន្ធពេញច្បាប់នេះដែរ អ្នកទាំងពីរក៏បានបន្តបង្ហាញសកម្មភាពចាប់ដៃគ្នារស់នៅលើទឹកដីសហរដ្ឋអាមេរិក ដែលកំពុងសាងជីវិតគ្រួសារយ៉ាងមានក្ដីសុខនៅទីនោះ។
ជាក់ស្ដែង ថ្មីៗនេះ បវរកញ្ញា រឿន ណាត កាន់តែធ្វើឱ្យមហាជនអ្នកគាំទ្រចាប់អារម្មណ៍ពីជិវីតប្ដីប្រពន្ធថ្មីថ្មោងរបស់អ្នកទាំងពីរ ខណៈនាងបានស្ដែងពីក្ដីសុខក្នុងជីវិតគូ ដែលបានស្វាមីល្អដូចបំណង ជាបុរសពូកែយល់ចិត្ត មើលថែ និង គិតគូរសុខទុក្ខភរិយាគ្រប់សព្វ រហូតធ្វើឱ្យនាងសរសេរចែករំលែកទាក់ទងនឹងបទពិសោធន៍នៃការជ្រើសរើសស្វាមីដ៏ល្អចូលក្នុងជីវីតទៀតផង៕
