កាលពីថ្មីៗនេះ អ្នកលេងបណ្តាញសង្គមហ្វេសប៊ុកជាច្រើនច្បាស់ជាបានឃើញនូវ Status មួយរបស់តារាស្រីពហុជំនាញ អ្នកនាង ខាត់ សុឃីម ដែលបានបង្ហោះថា៖ «បង្ហើយស្តុកចាស់ទំនិញថៃ ១ ខែ ហើយ មិនអស់សោះ! បង្ហើយយូរៗទៅ ថៃប្តូរយន្តហោះពី F-16 ទៅ F-35»។
ក្រោយបង្ហោះ Status ខាងលើនោះដែរ អ្នកនាង ខាត់ សុឃីម ក៏ទទួលបានការបញ្ចេញមតិវិជ្ជមាន និង អវិជ្ជមានព្រមគ្នា ដោយក្នុងនោះ មតិអវិជ្ជមាន គឺត្រូវបានប្រតិកម្មពីសំណាក់អ្នកលក់អនឡាញតែម្តង។ យ៉ាងណាក៏ដោយ អ្នកនាង ខាត់ សុឃីម ក៏បានចេញមុខមកបកស្រាយពីហេតុផល នៃការបង្ហោះ Status នោះដែរ។
ដោយឡែកនៅរសៀលថ្ងៃទី ០៨ ខែសីហា ឆ្នាំ ២០២៥ នេះ លោក ផាណូ ស្វាមីអ្នកនាង ខាត់ សុឃីម ក៏បានចេញមកបង្ហោះសារមួយឃ្លា ក្រោយពីមានការវែកញែកទៅលើភរិយាថា៖ «គ្រប់បញ្ហាមិនពិបាកទេ បើចង់ដោះស្រាយ ប៉ុន្តែបើមិនចង់ដោះស្រាយ សុទ្ធតែរឿងពិបាក ទោះបី ដឹង ឬយល់ហើយក៏ដោយ»៕
