កាន់តែផ្គើនឡើង ថ្មីៗនេះ នាយករដ្ឋមន្រ្តីថៃ បានប្រកាសប្រាប់អន្តរជាតិថា ប្រទេសថៃរីករាយស្ម័គ្រចិត្ត ធ្វើជាម្ចាស់ផ្ទះរៀបចំកិច្ចប្រជុំ និង ធ្វើជាទីបញ្ជាការកណ្ដាល ក្នុងការបង្រ្កាបលើឧក្រិដ្ឋកម្មឆបោកតាមអ៊ីនធឺណេត ជាពិសេសគោលដៅ គឺប្រទេសកម្ពុជា ដែលជាប្រទេសសម្បូរទៅដោយក្រុមឧក្រិដ្ឋកម្មច្រើនលំដាប់ពិភពលោក ថៃនឹងរឹតបន្តឹងច្រកព្រំដែនជាមួយកម្ពុជា ចាត់វិធានការដូចជា ផ្ដាច់ទឹក ភ្លើង អ៊ីនធឺណេត ប្រេង រួមទាំងវិធានការផ្សេងៗទៀត ដើម្បីបង្រ្កាបឱ្យបាន។
ជាមួយព័ត៌មានបំភ្លៃទាំងស្រុងនេះ ប្រជាជនកម្ពុជាហាក់ហួសចិត្តយ៉ាងខ្លាំង ជាពិសេស ក្នុងនោះ លោកជំទាវ ហ៊ុន ស៊ីណាត ដែលប្រជាពលរដ្ឋតែងហៅ លោកជំទាវចិត្តធម៌ ក៏បានចែករំលែកព័ត៌មាននេះនៅលើបណ្តាញសង្គមហ្វេសប៊ុកផ្ទាល់របស់លោកជំទាវ ដោយភ្ជាប់ជាមួយមតិតបទៅវិញយ៉ាងពេញចិត្តផងដែរ។
ជាក់ស្តែង លោកជំទាវបានសរសេរថា៖ «ចេះខំប្រឹងកែកំហុសខ្លួនឯងរហូត សាងល្អជួបល្អសាងអាក្រក់នឹងវិនាស ពួកមីសន្តានចោរ ហងលាក់លែងជិតហើយ ទូរទស្សន៍សិង្ហបុរីទម្លាយខ្ទេចប្រទេសសៀមជាជង្រុកចែកចាយធំនៃជន ដែលត្រូវបង្ខំទៅធ្វើការឱ្យពួកក្រុមឧក្រិដ្ឋជន។ ហងនេះមានសត្រូវជុំទិសមានម៉ាឡេស៊ី ភូមា ឡាវ ឥលូវដល់កម្ពុជា ទៀត ហងប្រយ័ត្នទេវតាបរាមុខ»៕
