នៅថ្ងៃទី ១២ ខែឧសភា ឆ្នាំ ២០២៥ នេះ ភរិយាតារាចម្រៀងរ៉េបដ៏មានប្រជាប្រិយភាព លោក KingChi គឺអ្នកនាង ម៉ាណូឡែន បានបង្ហោះសារចែករំលែកអំពីអាការខូចតម្រងនោម ដែលអ្នកនាងបានជួបប្រទះផ្ទាល់ បន្ទាប់ពីបានរកឃើញថាកើតនូវជំងឺមួយនេះ។
ក្នុងនោះ អ្នកនាងបានរៀបរាប់ពីអាការខូចតម្រងនោមដែលអ្នកនាងបានជួបផ្ទាល់ មានដូចជា ៖
– ថប់ដង្ហើម
– ញ័រទ្រូង
– លើសសម្ពាធឈាម
– បាត់បង់ចំណង់អាហារ
– នោមពពុះ
– គ្រាប់ឈាមក្រហមថយចុះ
– រមាស់ស្បែក
– ឡើងកម្រិតជាតិពុលក្នុងខ្លួន
– វិលមុខអស់កម្លាំង
– ហើមជើង
សូមរំឭកផងដែរថា នាពេលកន្លងទៅថ្មីៗនេះ តារាចម្រៀងរ៉េបលោក KingChi បានប្រកាសលក់ផ្ទះជាបន្ទាន់ ដើម្បីព្យាបាលជំងឺភរិយា ធ្វើឱ្យអ្នកលេងបណ្តាញសង្គមហ្វេសប៊ុក ជាពិសេស រួមមានមិត្តភក្ដិទាំងក្នុង និង ក្រៅរង្វង់សិល្បៈ បានបង្ហាញក្ដីបារម្ភ ព្រមទាំងបានជួយឧបត្ថម្ភថវិកាមួយចំនួនដោយមនោសញ្ចេតនា ដើម្បីសម្រាលនូវទុក្ខលំបាករបស់លោកបានមួយចំណែកក្នុងការព្យាបាលជំងឺរបស់ភរិយា៕
