សារព័ត៌មាន The Nation បានរាយការណ៍ពីស្ថានភាពក្រុមហ៊ុន PTT ដែលជាក្រុមហ៊ុនថាមពលដ៏ល្បីឈ្មោះនៅប្រទេសថៃ ដោយក្នុងត្រីមាសទីពីរនៃឆ្នាំ ២០២៥ នេះ ក្រុមហ៊ុន បានខាតប្រាក់ចំណេញរហូតដល់ទៅ ៤០ ភាគរយ។
តាមព័ត៌មានបានឱ្យដឹងថា ប្រាក់ចំណេញសុទ្ធរបស់ក្រុមហ៊ុនខាងលើបានធ្លាក់ចុះជិត ៤០ ភាគរយ គឺធ្លាក់ពីឆ្នាំ ២០២៤ កន្លងទៅ ដែលមានតម្លៃ ៣៥.៥ ពាន់លានបាត មកនៅត្រឹម ២១.៥ ពាន់លានបាតនៅក្នុងត្រីមាសទីពីរនៃឆ្នាំ ២០២៥ នេះ។ ដោយឡែក ប្រាក់ចំណូលមុនការប្រាក់ រួមទាំងពន្ធ និង (EBITDA) បានធ្លាក់ចុះ ៣១.៧ ភាគរយ មកនៅត្រឹម ៧៨.៨ ពាន់លានបាត ធៀបនឹង ១១៥.៨ ពាន់លានបាតក្នុងត្រីមាសទីពីរនៃឆ្នាំ ២០២៤។
យ៉ាងណាមិញ ក្រុមហ៊ុនបានអះអាងថា មូលហេតុនៃការធ្លាក់ចុះនេះ គឺបណ្តាលមកពីការចុះខ្សោយនៃអាជីវកម្មគីមីឥន្ធនៈ និងការចម្រាញ់ ការធ្លាក់ចុះនៃតម្លៃប្រេង បរិមាណលក់ចេញបានទាប និងតម្លៃប្រតិបត្តិការលក់កាន់តែខ្ពស់៕
ប្រភព៖ The Nation
