ខណៈដែលម៉ាករថយន្តមួយចំនួនបានដាក់តាំងបង្ហាញរថយន្តរបស់ពួកគេនៅតាមទីសាធារណៈ សំយ៉ាបផ្ទះ ឬ នៅតាមចំណតរថយន្តនានា ប៉ុន្តែក្រុមហ៊ុន MG បានកំណត់នូវស្តង់ដារក្នុងការផ្តល់ជូននូវបទពិសោធន៍ដ៏ល្អកម្រិតខ្ពស់ដល់អតិថិជនរបស់ខ្លួនក្នុងការមកទស្សនា ឬ មកទទួលរថយន្តនៅ MG។ តាមរយៈការសាងសង់នូវអគារតាំងបង្ហាញរថយន្តដ៏ស្តង់ដារ និង បំពាក់នូវគ្រឿងបរិក្ខារទំនើបដែលផ្តល់ផាសុកភាពខ្ពស់ដល់អតិថិជនរបស់ខ្លួន ក្រុមហ៊ុន MG ក៏បានបន្តកំណត់នូវភាពលេចធ្លោ ដាច់ដោយឡែកពីដៃគូប្រកួតប្រជែងមួយចំនួនដែលមិនបានបំពេញនូវស្តង់ដារតាមការរំពឹងទុករបស់អតិថិជន។
អគារតាំងបង្ហាញរថយន្តរបស់ MG រួមទាំងនៅក្នុងទីក្រុងភ្នំពេញ និង តាមខេត្ត ដូចជា MG សាខាខេត្តបាត់ដំបង និង សៀមរាប គឺជាសក្ខីភាពមួយដែលបញ្ជាក់ពីការប្តេជ្ញាចិត្តរបស់ម៉ាកយីហោចំពោះគុណភាព និង បទពិសោធន៏ដ៏ល្អសម្រាប់អតិថិជនរបស់ខ្លួន។ គ្រប់ទីតាំងទាំងអស់ត្រូវបានរចនាឡើងយ៉ាងស្រស់ស្អាត និង ស្តង់ដារ ដើម្បីផ្តល់នូវបទពិសោធន៍កម្រិតខ្ពស់ ផ្នែកខាងក្នុងទាន់សម័យ កន្លែងទទួលភ្ញៀវប្រកបដោយផាសុកភាព និង ការទាក់ទាញដល់ម៉ាកយីហោ។ ការយកចិត្តទុកដាក់ចំពោះការរៀបចំអគារតាំងបង្ហាញរថយន្ត MG នេះ ធានាថាអ្នកមកទស្សនារថយន្តគ្រប់រូបនឹងទទួលបានអារម្មណ៍ល្អលើសពីការទិញរថយន្តទៅទៀត ពោលគឺវាជាការបោះជំហានចូលទៅក្នុង lifestyle ដែលប្រកបដោយភាពទាន់សម័យ និង ទំនុកចិត្តខ្ពស់។
ស្របពេលដែល MG មិនគ្រាន់តែជាក្រុមហ៊ុនលក់រថយន្តប៉ុណ្ណោះទេ ពោលគឺជាការវិនិយោគនៅក្នុងសហគមន៍យើងផងដែរ។ តាមរយៈការនាំមកនូវអគារតាំងបង្ហាញរថយន្តស្តង់ដារ ចូលមកកាន់បណ្តាខេត្តដូចជា៖ បាត់ដំបង និង សៀមរាប នោះគឺជារូបភាពដែលឆ្លុះបញ្ចាំងអំពីរបៀបដែលក្រុមហ៊ុន MG អាចធានាបានថាអតិថិជននៅតាមខេត្តក៏អាចរីករាយ និង ទទួលយកបទពិសោធន៍កម្រិតខ្ពស់ដូចគ្នាទៅនឹងអ្នកនៅទីក្រុងភ្នំពេញផងដែរ។ អគារតាំងបង្ហាញរថយន្តបានដើរតួនាទីជាមជ្ឈមណ្ឌលសម្រាប់ការតាំងបង្ហាញនូវប្រណីតភាពនៃយានយន្តថ្មី ដែលអនុញ្ញាតឱ្យអតិថិជនតាមបណ្តាខេត្តអាចស្វែងយល់ពីរថយន្តប្រកបដោយភាពច្នៃប្រឌិត និង អាចបើកបរសាកល្បងដោយឥតគិតថ្លៃជាមួយរថយន្ត MG គ្រប់ម៉ូដែលដែលឆ្លុះបញ្ចាំងពីស្តង់ដារលំដាប់អន្តរជាតិនៃម៉ាកយីហោរបស់ខ្លួន។ មិនមែនមានត្រឹមតែអគារតាំងបង្ហាញរថយន្តទេ ប៉ុន្តែ MG ក៏ផ្តល់នូវមជ្ឈមណ្ឌលសេវាកម្មកម្រិតស្តង់ដារចំនួន 4 សាខា ដែលអតិថិជនអាចទទួលយកសេវាកម្មក្រោយពេលទិញ ឬ ថែទាំរថយន្តត្រឹមត្រូវតាមស្តង់ដារពីអ្នកជំនាញបច្ចេកទេសទៀតផង។
ទន្ទឹមនឹងនេះ ការចូលរួមរបស់ MG ក៏មិនទាន់អស់នៅឡើយទេ។ ម៉ាកយីហោមួយនេះក៏បានចូលរួមយ៉ាងសកម្មជាមួយសហគមន៍តាមរយៈការរៀបចំកម្មវិធី និង សកម្មភាពជាច្រើនដែលនាំមកនូវភាពទំនាក់ទំនងយ៉ាងស្អិតល្មួតរវាងក្រុមហ៊ុន និង អតិថិជនរបស់ខ្លួន។ ចាប់តាំងពីការបើកដំណើរការអគារតាំងបង្ហាញរថយន្ត MG, ការងារសង្គមសប្បុរសធម៌, កម្មវិធីចុងសប្តាហ៍ដូចជាពិធីជប់លៀងបុណ្យណូអែល, កម្មវិធីបើកបរសាកល្បងរថយន្តដែលផ្តល់អាទិភាពដល់អតិថិជនក្នុងការទទួលយកបទពិសោធន៍បើកបរផ្ទាល់, និង ការចូលរួមគាំទ្រដល់សហគមន៍ជាបន្តបន្ទាប់ទៀតផង ហើយដើម្បីបន្តជំរុញវត្តមានដ៏អស្ចារ្យរបស់ខ្លួននៅតាមបណ្តាខេត្ត ក្រុមហ៊ុន MG នឹងរៀបចំព្រឹត្តិការណ៍ដ៏ពិសេសមួយនាពេលខាងមុខនេះ នោះគឺពិធីជប់លៀងអតិថិជនសម្រាប់ឱកាសបុណ្យចូលឆ្នាំចិននៅអគារតាំងបង្ហាញរថយន្ត MG សាខាខេត្តបាត់ដំបង។ កម្មវិធីជួបជុំអតិថិជននេះនឹងបង្ហាញពីការយកចិត្តទុកដាក់របស់ MG ក្នុងការបង្កើតទំនាក់ទំនងល្អ និង ផ្តល់បទពិសោធន៍ល្អដែលមិនអាចបំភ្លេចបានជាមួយគ្រួសារ MG របស់ខ្លួន។ អតិថិជនក៏អាចទន្ទឹងរង់ចាំនូវកម្មវិធីជាច្រើនបន្តបន្ទាប់ដ៏គួរឱ្យចាប់អារម្មណ៍ ដូចជាការផ្តល់ជូនប្រម៉ូសិនជាពិសេស និង ការបង្ហាញនូវរថយន្តទំនើបចុងក្រោយបំផុតរបស់ MG នៅក្នុងអគារតាំងបង្ហាញរថយន្តដ៏ស្តង់ដារ និង ការទទួលការស្វាគមន៍យ៉ាងកក់ក្តៅពីក្រុមការងារផងដែរ។
ផ្ទុយទៅវិញដៃគូរប្រកួតប្រជែងមួយចំនួនរបស់ MG បានពឹងផ្អែកទៅលើការតាំងបង្ហាញរថយន្តនៅខាងក្រៅ ដូចជា៖ តាមសំយ៉ាបផ្ទះ ឬ ចំណតឡាននានាដែលបានបង្ហាញពីរូបភាពនៃម៉ាកយីហោមិនល្អ និង បរាជ័យក្នុងការជំរុញទំនុកចិត្តចំពោះអតិថិជនរបស់ពួកគេ ព្រោះថារថយន្តដែលរៀបទុកចោល ឬ រៀបចំកម្មវិធីនៅតាមទីតាំងមិនល្អអាចប៉ះពាល់ដល់ម៉ាកយីហោ និង អាចបន្សល់នូវចំណាប់អារម្មណ៍អវិជ្ជមាន ដែលចំណុចទាំងនោះមើលទៅអន់ ហើយបន្ទាបតម្លៃម៉ាក់យីហោរបស់ពួកគេ។
MG ក៏បានបំបែកខ្លួនចេញពីវិធីសាស្រ្តដ៏ហួសសម័យមួយនេះ ដោយបានបណ្តាក់ទុនយ៉ាងច្រើនក្នុងការបង្កើតអគារតាំងបង្ហាញរថយន្តលំដាប់ស្តង់ដារដែលឆ្លុះបញ្ចាំងពីគុណភាពនៃរថយន្តដែលខ្លួនផ្តល់ជូនអតិថិជនក្នុងប្រទេសកម្ពុជាផងដែរ។ ដូច្នេះភាពខុសប្លែកគ្នារវាង MG និង ដៃគូរប្រកួតប្រជែងរបស់ខ្លួនគឺច្បាស់ណាស់ថា ៖ MG មិនត្រឹមតែជាក្រុមហ៊ុនលក់រថយន្តថ្មីប៉ុណ្ណោះទេ ប៉ុន្តែពួកគេក៏ផ្តល់នូវបទពិសោធន៍ និង សេវាកម្មល្អយ៉ាងពិសេសពេញលេញចាប់តាំងពីពេលដែលអតិថិជនរបស់គេឈានជើងចូលមកដល់ MG ។ គ្រប់អគារតាំងបង្ហាញរថយន្តទាំងក្នុងទីក្រុងភ្នំពេញ និង តាមបណ្តាខេត្តនានារបស់ MG គឺបានបង្ហាញពីការប្តេជ្ញាចិត្តរបស់ខ្លួនចំពោះឧត្តមភាពនៃស្តង់ដារ និង គុណភាព។ ខណៈពេលដែលមានម៉ាកយីហោរថយន្តថ្មីមួយចំនួនបានគិតថាគ្រប់គ្រាន់ ក៏ប៉ុន្តែ MG នៅតែបន្តវិនិយោគនិងនាំមុខគេជាលំដាប់ ជាឧទាហរណ៍ MG បានបង្ហាញថាការវិនិយោគលើគ្រឿងបរិក្ខារល្អៗ និង ការរៀបចំកម្មវិធីនៃព្រឹត្តិការណ៍ផ្សេងៗដែលគួរឱ្យចងចាំដល់អតិថិជនរបស់ខ្លួនគឺផ្តល់អត្ថប្រយោជន៍ច្រើនដល់ទាំងម៉ាកយីហោ និង សហគមន៍៕
