នៅយប់ថ្ងៃទី ២២ ខែមិថុនា ឆ្នាំ ២០២៥ ក្រសួងរ៉ែ និង ថាមពល បានចេញសេចក្ដីប្រកាសព័ត៌មានឱ្យបានដឹងថា ចាប់ពីម៉ោង ១២ យប់ ថ្ងៃទី ២២ ខែមិថុនា ឆ្នាំ ២០២៥ តទៅ ព្រះរាជាណាចក្រកម្ពុជានឹងផ្អាកការនាំចូល ប្រេងឥន្ធនៈ និង ឧស្ម័នឥន្ធនៈគ្រប់ប្រភេទពីព្រះរាជាណាចក្រថៃទាំងស្រុង។
ក្រសួងរ៉ែ និង ថាមពល បានឱ្យដឹងបន្ថែមថា ព្រះរាជាណាចក្រកម្ពុជា មានលទ្ធភាពគ្រប់គ្រាន់ ដើម្បីផ្គត់ផ្គង់ប្រេងឥន្ធនៈ និង ឧស្ម័នឥន្ធនៈសម្រាប់តម្រូវការក្នុងប្រទេស។
សូមបញ្ជាក់ផងដែរថា នៅយប់ថ្ងៃទី ២២ ខែមិថុនា ឆ្នាំ ២០២៥ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ឱ្យបានដឹងថា ចាប់ពីម៉ោង ១២ យប់ថ្ងៃទី ២២ ខែមិថុនា ឆ្នាំ ២០២៥ តទៅ ការនាំចូលប្រេងឥន្ធនៈ និង ឧស្ម័នឥន្ធនៈគ្រប់ប្រភេទពីប្រទេសថៃ ត្រូវផ្អាកទាំងស្រុង។ បណ្ដាក្រុមហ៊ុនចែកចាយប្រេងឥន្ធនៈនៅកម្ពុជា មានលទ្ធភាពនាំចូលប្រេងឥន្ធនៈ និង ឧស្ម័នឥន្ធនៈពីប្រភពផ្សេង គ្រប់គ្រាន់ ដើម្បីផ្គត់ផ្គង់តម្រូវការប្រើប្រាស់ក្នុងស្រុករបស់ប្រជាពលរដ្ឋយើង កុំថាឡើយត្រឹមមួយខែ ទោះជារៀងរហូតក៏មិនជាបញ្ហា៕
សូមអានសេចក្ដីលម្អិតនៅខាងក្រោម ៖
