ក្រសួងការបរទេសកម្ពុជា ៖ បើគ្មានការចាំបាច់សូមចៀសវាងទៅប្រទេសថៃ ហើយបើអ្នកកំពុងនៅវិញ ករណីមានបញ្ហាអាចទាក់ទងទៅស្ថានទូត ឬ អគ្គកុងស៊ុលកម្ពុជាភ្លាម

នៅថ្ងៃទី ២២ ខែមិថុនា ឆ្នាំ ២០២៥ ក្រសួងការបរទេស និង សហប្រតិបត្តិការអន្តរជាតិ បានចេញសេចក្ដីជូនដំណឹងឱ្យបានដឹងថា ផ្អែកលើស្ថានការណ៍តានតឹងក្នុងទំនាក់ទំនងរវាងកម្ពុជា និង ថៃ អ្នកនាំពាក្យក្រសួងការបរទេស និង សហប្រតិបត្តិការអន្តរជាតិសូមណែនាំពលរដ្ឋខ្មែរចៀសវាងការធ្វើដំណើរទៅប្រទេសថៃ ក្នុងករណីមិនមានការចាំបាច់បំផុត។

ទន្ទឹមនឹងនោះ អ្នកនាំពាក្យក្រសួងការបរទេស និង សហប្រតិបត្តិការអន្តរជាតិ ក៏បានសូមបងប្អូនពលរដ្ឋ និង ពលករខ្មែរទាំងអស់ដែលកំពុងមានវត្តមាននៅប្រទេសថៃ មានការប្រុងប្រយ័ត្នខ្ពស់ យកចិត្តទុកដាក់តាមដានព័ត៌មានពីប្រភពផ្លូវការឱ្យបានជាប់លាប់ និង ចៀសវាងការធ្វើដំណើរទៅកាន់ទីកន្លែងប្រឈមនឹងគ្រោះថ្នាក់នានា ដូចជាការប្រមូលផ្តុំធ្វើបាតុកម្មគ្រប់ប្រភេទ។

ក្នុងនោះ ក្នុងករណីបងប្អូនប្រជាពលរដ្ឋ និង ពលករខ្មែរគ្រប់ប្រភេទមានតម្រូវការជំនួយបន្ទាន់ សូមទាក់ទងស្ថានទូត ឬ ស្ថានអគ្គកុងស៊ុលកម្ពុជានៅប្រទេសថៃ តាមរយៈលេខទូរស័ព្ទខាងក្រោម៖

១. ស្ថានទូតកម្ពុជានៅទីក្រុងបាងកក

– ផ្នែកកុងស៊ុល៖ 02 957 5851 / 092 805 0561

– ផ្នែកអនុព័ន្ធការងារ៖ 083 545 7788 / 092 299 0133

២. ស្ថានអគ្គកុងស៊ុលកម្ពុជាប្រចាំខេត្តស្រះកែវ

– ផ្នែកកុងស៊ុល៖ 062 089 8918

– ផ្នែកអនុព័ន្ធការងារ៖ 080 810 5505៕

សូមអានសេចក្ដីលម្អិតនៅខាងក្រោម ៖