កាលពីយប់ថ្ងៃទី ២៨ ខែកក្កដា ឆ្នាំ ២០២៥ វេលាម៉ោង ២៤:០០ បទឈប់បាញ់ដោយគ្មានលក្ខខណ្ឌរវាងកម្ពុជា-ថៃ បានចូលជាធរមានហើយ។ យ៉ាងណាមិញ ក្រឡេកទៅមើលស្ថានភាពជនភៀសសឹកឯណោះវិញ ក៏មិនទាន់បានវិលត្រឡប់ទៅកាន់ស្រុកភូមិកំណើតវិញនោះទេ។ លើសពីនោះ ក្នុងនាមជាប្រជាជនកម្ពុជា បានបង្ហាញនូវឈឺចាប់នៃការបាត់បង់កងកម្លាំងពលីជូនបូរណភាពទឹកដី និង រងរបួសក៏នៅតែដក់ជាប់យ៉ាងឈឺចាប់ក្នុងចិត្ត។
ជាក់ស្តែង ទន្ទឹមនឹងការបង្ហោះការកាន់ទុក្ខដល់កងកម្លាំងពលីជាច្រើនរូបជូនបូរណភាពទឹកដីនៃការឈ្លានពានពីសៀម អ្នកលេងបណ្តាញសង្គមហ្វេសប៊ុកបានបង្ហាញអារម្មណ៍ក្តុកក្តួលជាបន្ត ខណៈបានឃើញសិល្បករ សិល្បការិនីមួយចំនួនបានធ្វើដំណើរទៅដល់រោងបុណ្យរបស់កងកម្លាំងពលីជូនជាតិ និង មួយចំនួន កំពុងធ្វើដំណើរទៅផងដែរ។
ក្នុងនោះដែរ ក៏មានប្រជាជនកម្ពុជា និង បុគ្គលល្បីៗលើបណ្តាញសង្គមជាច្រើនបានសំណូមពរដល់រដ្ឋាភិបាលរៀបចំទីតាំង ដើម្បីឱ្យប្រជាជនកម្ពុជាបានទៅគោរពវិញ្ញាក្ខន្ធវីរបុរសកម្ពុជា ដែលបានពលីទៀតផង៕
