ក្ដៅៗ! EDC ជូនដំណឹង ចាប់ពីថ្ងៃនេះ ដល់ថ្ងៃទី ២២ ខែធ្នូ តំបន់មួយចំនួននៅភ្នំពេញ អាចរអាក់រអួលភ្លើងចន្លោះម៉ោងទាំងនេះ

នៅថ្ងៃទី ១៨ ខែធ្នូ ឆ្នាំ ២០២៤ អគ្គិសនីកម្ពុជា បានជូនដំណឹងស្ដីពីការអនុវត្តការងារជួសជុល ផ្លាស់ប្ដូរដំឡើងបរិក្ខារនានា និង រុះរើគន្លងខ្សែបណ្ដាញអគ្គិសនីរបស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ ដែលធ្វើឱ្យមានបញ្ហារអាក់រអួលចរន្តអគ្គិសនីប្រើប្រាស់នៅតំបន់មួយចំនួនទៅតាមពេលវេលា ចាប់ពីថ្ងៃទី ១៩ ខែធ្នូ ឆ្នាំ ២០២៤ នេះ ដល់ថ្ងៃទី ២២ ខែធ្នូ ឆ្នាំ ២០២៤។

ក្នុងនោះ អគ្គិសនីកម្ពុជា បានបញ្ជាក់ថា បើទោះបីជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំក៏ដោយ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើ អាចនឹងមានការរអាក់រអួលខ្លះៗជៀសមិនផុត ដោយស្នើសុំអភ័យទោសទុកជាមុន ខណៈតំបន់ដែលនឹងមានផលប៉ះពាល់នោះមានដូចជា ៖

១. ថ្ងៃទី ១៩ ខែធ្នូ ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌឬស្សីកែវ ខណ្ឌមានជ័យ និង ខណ្ឌព្រែកព្នៅ

២. ថ្ងៃទី ២០ ខែធ្នូ ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌដូនពេញ ខណ្ឌបឹងកេងកង ខណ្ឌមានជ័យ និង ខណ្ឌពោធិ៍សែនជ័យ
• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌមានជ័យ ខណ្ឌពោធិ៍សែនជ័យ ខណ្ឌសែនសុខ និង ខណ្ឌព្រែកព្នៅ

៣. ថ្ងៃទី ២១ ខែធ្នូ ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌមានជ័យ និង ខណ្ឌពោធិ៍សែនជ័យ

៤. ថ្ងៃទី ២២ ខែធ្នូ ឆ្នាំ ២០២៤ ៖

• ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌសែនសុខ និង ខណ្ឌពោធិ៍សែនជ័យ៕

សូមអានសេចក្ដីលម្អិតបន្ថែមនៅខាងក្រោម ៖