នៅរសៀលថ្ងៃទី ០២ ខែធ្នូ ឆ្នាំ ២០២៤ នេះ សាមណេរដែលមានឈ្មោះ ចន សីហា ត្រូវបានចាប់ផ្សឹកហើយ ក្នុងវត្តអរុណវតី ស្ថិតនៅសង្កាត់ត្រពាំងក្រសាំង ខណ្ឌពោធិ័សែនជ័យ រាជធានីភ្នំពេញ។
ការចាប់ផ្សឹកនេះផងដែរ ធ្វើឡើងបន្ទាប់ពីនៅព្រឹកថ្ងៃទី ០២ ខែធ្នូ ឆ្នាំ ២០២៤ នេះ មានមហាជនអ្នកប្រើប្រាស់បណ្ដាញសង្គម នាំគ្នាចែករំលែកវីដេអូព្រោងព្រាត បង្ហាញពីសកម្មសាមណេរខាងលើ គង់នៅមាត់ទឹកញ៉ែងញ៉ងជាមួយញោមស្រីម្នាក់ ជាសកម្មភាពដែលប្រាស់ចាកនឹងវិន័យសង្ឃ។
ក្នុងនោះ បើតាមការឱ្យដឹងពីគណនីដែលមានឈ្មោះ ស៊ន សុភក្ត្រ-Sorn Sopheak បានឱ្យដឹងថា សង្ឃដែលប្រព្រឹត្តខុសនោះមានឈ្មោះ ចន សីហា មានអាយុ ១៨ ឆ្នាំ មានស្រុកកំណើតនៅភូមិស្ពឺ ឃុំស្ពឺ ស្រុកចំការលើ ខេត្តកំពង់ចាម ដោយបានចូលបួសនៅវត្តស្ពឺ ហើយស្នាក់នៅវត្តអរុណវតី សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ដែលបច្ចុប្បន្នត្រូវបានចាប់ផ្សឹក នៅថ្ងៃទី ០២ ខែធ្នូ ឆ្នាំ ២០២៤ នេះ៕
សូមទស្សនាវីដេអូនៅខាងក្រោម ៖
