នៅថ្ងៃទី ៣១ ខែមីនា ឆ្នាំ ២០២៥ នេះ ប្រទេសថៃបានប្រកាសជម្លៀសមន្រ្តីរាជការរបស់ខ្លួនចេញពីអគារដែលកំពុងធ្វើការជាបន្ទាន់ ក្រោយពីបានប្រទះឃើញថាអគារមានការប្រេះ និង ផ្អៀងគួរឱ្យបារម្ភ បន្ទាប់ពីហេតុការណ៍រញ្ជួយដីកាលពីពេលកន្លងទៅ។
អគារខាងលើនេះ ឈ្មោះថា Chaeng Watthana ស្ថិតនៅលើផ្លូវ Chaeng Watthana ក្នុងតំបន់ Lak Si ទីក្រុងបាងកក គឺជាអគាររដ្ឋបាល និង កន្លែងធ្វើការរបស់មន្រ្តីរាជការជាច្រើនផ្នែករបស់ប្រទេសថៃ។ ក្នុងនោះដែរ ផ្នែក A នៃអគារនេះ ដែលជាផ្នែកខាងតុលាការរដ្ឋធម្មនុញ្ញ ត្រូវបានគេជម្លៀសបុគ្គលិកចេញយ៉ាងបន្ទាន់ ដោយសារតែមានអ្នកឮសំឡេងប្រេះ និង ឃើញថាមានធ្លាក់កម្ទេចសំណង់ចុះមក ហើយថែមទាំងមានសភាពផ្អៀងទៀតផង។
យ៉ាងណាមិញ បុគ្គលិកទាំងអស់ត្រូវបានគេជម្លៀសចេញឱ្យទៅកន្លែងមានសុវត្ថិភាព ហើយខាងអាជ្ញាធរពាក់ព័ន្ធកំពុងតែដុតដៃដុតជើងត្រួតពិនិត្យមូលហេតុពិត និង ធ្វើការដោះស្រាយផងដែរ៕
ប្រភព៖ Khaosod
