ថ្មីៗនេះ លោក Nawat itsaragrisil ដែលជាម្ចាស់ស្ថាប័ន MGI ព្រមទាំងជាអ្នកទទួលទិញសិទ្ធិរៀបចំការប្រកួត Miss Universe នៅក្នុងឆ្នាំ ២០២៥ នេះ បានបោះសម្តីគួរឱ្យចាប់អារម្មណ៍មួយ ក្រោយពីមានអ្នកសួរលោកទាក់ទងនឹងការត្រឡប់មកវិញរបស់ ពេជ្រ វត្តីសារ៉ាវឌ្ឍី ក្នុងកម្មវិធី Miss Universe Cambodia ឆ្នាំ ២០២៥។
ក្នុងនោះខណៈកំពុង Live នៅក្នុង TikTok ក៏មានអ្នកសួរ Nawat ថា តើលោកគិតយ៉ាងណាទាក់ទងនឹងការចូលប្រកួតកម្មវិធី Miss Universe Cambodia របស់ ពេជ្រ វត្តីសារ៉ាវឌ្ឍី។ លោក Nawat បានឆ្លើយថា លោកមិនគិតអ្វីឡើយ គ្រាន់តែគិតថានាងមកធ្វើអី្វ តែយ៉ាងណាក៏ដោយវាគឺជាសេរីភាព អ្នកណាចង់ចូលប្រកួតលោកក៏ហាមមិនបាន វាជាសិទ្ធិរបស់មនុស្សម្នាក់ៗ លោកក៏មានសិទ្ធិកាត់ក្តីផងដែរ ព្រោះវាជាតួនាទីរបស់លោក។
យ៉ាងណាមិញ ការត្រឡប់មកលើកនេះរបស់ ពេជ្រ វត្តីសារ៉ាវឌ្ឍី ក៏កំពុងតែទទួលបានការគាំទ្រពីសំណាក់មហាជនក្នុងប្រទេសមិនធម្មតានោះដែរ ហើយគេសង្ឃឹមថានាងនឹងទទួលបានលទ្ធផលល្អក្នុងការប្រកួតនេះ ព្រោះនាងមានទាំងសមត្ថភាព បទពិសោធ និង សម្រស់៕
សូមចុចទីនេះដើម្បីទស្សនាវីដេអូ៖
