ប៉ុន្មានថ្ងៃកន្លងទៅ លើហ្វេសប៊ុកផេករបស់លោក អ៊ឹម ជីវ៉ា បានបង្ហោះសារបង្ហាញការប្រតិកម្មក្ដៅចិត្តខ្លាំងម្ដងរួចហើយ ក្នុងនាមជាប្រជាជនខ្មែរមួយរូប ក្រោយបានឃើញការបង្ហោះរបស់ម្ចាស់កម្មវិធី MGI ណាវ៉ាត់ បាននិយាយពាក់ព័ន្ធនឹងរដ្ឋាភិបាលកម្ពុជាក្នុងចេតនាឡកឡាយកម្ពុជាកាន់តែខ្លាំង។
លើសពីនេះ ស្របពេលដែលលោក អ៊ឹម ជីវ៉ា ទទួលបានដំណឹងលេចឮទាក់ទងនឹងវិស័យបវរកញ្ញាកម្ពុជា ថាមានអ្នកទិញសិទ្ធិកម្មវិធី MGC មកធ្វើក្នុងឆ្នាំ ២០២៥ ទៀត ដែលលោកកំពុងរង់ចាំមើលមុខអ្នកទិញសិទ្ធិកម្មវិធីនេះ ដោយឃើញពេលណាលោកអះអាងថានឹងចាត់ការចំពោះបុគ្គលរូបនោះមុនគេតាមរយៈការប្ដឹងទៅក្រសួងវប្បធម៌ និង ក្រសួងពាក់ព័ន្ធ ដោយមិនឱ្យមានកម្មវិធីនេះនៅលើទឹកដីកម្ពុជាជាដាច់ខាត។
យ៉ាងណាមិញ មកដល់ថ្មីៗនេះ លើហ្វេសប៊ុករបស់លោក អ៊ឹម ជីវ៉ា ក៏បានបង្ហោះសារជាថ្មីពាក់ព័ន្ធនឹងម្ចាស់កម្មវិធី MGI និង អ្នកទិញសិទ្ធិកម្មវិធីនេះមកធ្វើនៅកម្ពុជា ក្រោយបានឃើញម្ចាស់កម្មវិធីអន្តរជាតិរូបនេះ កាន់តែបង្ហាញអត្តចរិតមិនសមរម្យ ដល់រដ្ឋាភិបាលម្ដងហើយម្ដងទៀត។
ក្នុងនោះ លោក អ៊ឹម ជីវ៉ា បានបង្ហោះរៀបរាប់ថា ៖ «ក្រសួងដែលពាក់ព័ន្ធ ដែលអនុញ្ញាតឱ្យកម្មវិធី Miss grand ចូលមកស្រុកខ្មែរ មេត្តាយកចិត្តទុកដាក់មើលផង គេដៀលរដ្ឋាភិបាលខ្មែរ វាដៀលមេដឹកនាំយើងម៉េចខ្លះ! ណាមួយទៀត ពួកអាឆ្កែមីថោកទាប ដែលទិញកម្មវិធីហ្នឹង ហេតុអីវាមិនចេះឈឺចាប់ ខួរក្បាលវាសាងពីអី ????»៕
