កាលពីចុងសប្តាហ៍ នាថ្ងៃទី ០៩ ខែកុម្ភៈ ឆ្នាំ ២០២៥ កន្លងទៅ អ្នកលេងបណ្តាញសង្គមហ្វេសប៊ុក ច្បាស់ជាបានជ្រាបមកហើយនូវរឿងរ៉ាវក្តៅគគុក កើតឡើងទៅកាន់ក្រុមគ្រួសាររបស់តារាចម្រៀងរ៉េប ជី ដេវីត និង អ្នកនាង ទេព បូព្រឹក្ស ក្រោយផេក «អាក្លូ» បានបង្ហោះវីដេអូ ប្រើពាក្យសម្តីប៉ះពាល់ដល់កូនរបស់ពួកគេ។
ក្នុងនោះ ផេក «អាក្លូ» បានផលិតវីដេអូបែបកំប្លែង Troll ដោយបញ្ជូលសំឡេងដូចសព្វមួយដង ក្នុងវីដេអូមួយមានចំណងជើងថា «Diss រាក់កំភែល» ដោយធ្វើឱ្យមហាជនផ្ទុះប្រតិកម្ម ជាពិសេស ក្រុមគ្រួសាររបស់លោក ជី ដេវីត និង អ្នកនាង ទេព បូព្រឹក្ស មិនអាចលើកលែងបាន ខណៈផេកខាងលើបានប្រើពាក្យមួយឃ្លាប៉ះពាល់យ៉ាងខ្លាំងថា «មិនដូចជាអ្នកខ្លះ កូនកើតមកទាន់ម៉ែឪការ» តែក្រោយមក វីដេអូនោះក៏បានលុបចេញពីលើផេកហើយដែរ។
ដោយឡែក ងាកមកកាន់លោក ជី ដេវីត វិញ ក្រោយផ្ទុះរឿងរ៉ាវខាងលើ បណ្តាលឱ្យប៉ះពាល់ផ្លូវចិត្តរបស់ភរិយា គឺអ្នកនាង ទេព បូព្រឹក្ស និង ក្រុមគ្រួសារនោះ លោកបានចេញសេចក្តីជូនដំណឹងជាសាធារណៈ ខណៈលោក កំពុងតែធ្វើការជាមួយមេធាវីចាត់វិធានការណ៍ទៅតាមផ្លូវច្បាប់ទៅកាន់ផេក «អាក្លូ»។
ក្នុងនោះ លោក ជី ដេវីត ក៏បានសរសេរសារអមនឹងសេចក្តីប្រកាសថា ៖ «ខ្ញុំបាទ ងួន ចាន់ដាវិត ត្រូវជាឪពុក ជាប្តី និង ត្រូវជាមេគ្រួសារ សូមជូនដំណឹងដល់សាធារណជនឱ្យបានជ្រាប នូវចំណាត់ការផ្នែកច្បាប់របស់យើងខ្ញុំ។ ខ្ញុំប្តេជ្ញានឹងយកឱ្យបាននូវយុត្តិធម៌ជូនក្រុមគ្រួសារ និង កូនប្រុសជាកែវភ្នែកនៃខ្ញុំ។ សូមអរគុណបងប្អូន ដែលស្រលាញ់រាប់អានដល់ខ្ញុំ និង ក្រុមគ្រួសារ។ ដោយក្តីគោរពពីខ្ញុំ»។ លើសពីនោះ បើតាមអ្នកក្បែរខ្លួនរបស់ ជី ដេវីត បានឱ្យដឹងថា លោកបានព្រលយពាក្យសម្ដីក្នុងន័យឱ្យម្ចាស់ផេកខាងលើហែកមេឃរត់ទៅណាក៏មិនរួចថែមទៀតផង។
សូមអានការផុសលម្អិតរបស់ ជី ដេវីត ខាងក្រោម ៖
