ពិតជារឿងមួយដ៏គួរឱ្យភ្ញាក់ផ្អើល និង ហួសចិត្តជាខ្លាំងនៅប្រទេសឥណ្ឌា ដែលមាននិស្សិតម្នាក់ ទៅប្រឡងមិនទាន់ ប្រញាប់ពេកមិនដឹងធ្វើយ៉ាងម៉េច ក៏សុំគេជិះឆ័ត្រយោង សំណាងល្អត្រឹមតែ ៥ នាទីដល់សាលា។
តាមព័ត៌មានបានឱ្យដឹងថា និស្សិតប្រុសរូបនេះ ជាអ្នកស្រុករស់នៅក្នុង Panchakani រដ្ឋ Maharashtra ប្រទេសឥណ្ឌា។ ក្នុងនោះខាងសាលាបានប្រឡងមុនថ្ងៃកំណត់ តែនិស្សិតរូបនេះមិនបានទទួលព័ត៌មានឡើយ ទើបតែដឹងនៅថ្ងៃមួយពេលដែលមិត្តភក្តិបានមកខលសួរថាហេតុអ្វីមិនទាន់ឃើញដល់មណ្ឌលប្រឡងទៀត ខ្វះតែ ១៥ នាទីទៀត គេនឹងចាប់ផ្តើមប្រឡងហើយ។
និស្សិតរូបនេះ គ្រាន់តែឮហើយក៏មានការជ្រួលច្របល់ជាខ្លាំង ហើយក៏ប្រញាប់រកផ្លូវទៅមណ្ឌលប្រឡងទាន់ពេលវេលា តែទាស់ត្រង់ថាមណ្ឌលនៅឆ្ងាយពីផ្ទះរហូត ១៥ គីឡូម៉ែត្រ បើធ្វើដំណើរតាមផ្លូវក៏ត្រូវប្រើពេលច្រើនជាង ១ ម៉ោងដែរ។ ទោះជាយ៉ាងណាក៏ដោយ ក៏និស្សិតរូបនេះមិនព្រមបោះបង់ចោលការប្រឡងឡើយ ហើយបានរត់ទៅសុំជំនួញពីអ្នកជំនាញជិះឆ័ត្រយោងនៅជិតផ្ទះ ដំបូងឡើយត្រូវគេស្តីឱ្យ តែក្រោយមកដោយការអាណិតគេក៏បានរៀបចំឆ័ត្រយោងឱ្យនិស្សិតនេះជិះ។
ជាសំណាងល្អ និស្សិតរូបនេះប្រើពេលតែ ៥ នាទីជាងប៉ុណ្ណោះ ក្នុងការហោះហើរមកដល់សាលា ហើយក៏បានចូលប្រឡងទាន់ពេលវេលាផងដែរ៕
ប្រភព៖ Kapook
