នៅថ្ងៃទី ១៧ ខែសីហា ឆ្នាំ ២០២៥ មហាជនអ្នកប្រើប្រាស់បណ្ដាញសង្គម បាននាំគ្នាផ្ទុះការចាប់អារម្មណ៍ និង ចែករំលែកបន្តគ្នាព្រោងព្រាត បន្ទាប់ពីបានឃើញស្នាដៃសិល្បករនៅខេត្តសៀមរាមមួយរូប យកកាហ្វេគូរចេញជាគំនូរ រូបលោក Michael B Alfaro ដែលទើបតែបានមកកាន់ទឹកដីប្រទេសកម្ពុជានាពេលថ្មីៗនេះ។
តាមរយៈផេកដែលមានឈ្មោះ Artist Cambodia បានបង្ហោះវីដេអូនៅថ្ងៃទី ១៧ ខែសីហា ឆ្នាំ ២០២៥ បង្ហាញពីសកម្មភាពដែលលោកបានយកកាហ្វេ មកគូរនៅលើផ្ទាំងពណ៌ស បង្កើតបានជាគំនូររូបលោក Michael B Alfaro ដែលមានមុខមាត់ដូចរូបថតស្ទើរទាំងស្រុង ជាស្នាដៃប្រកបទៅដោយទេពកោសល្យអស្ចារ្យនឹកស្មានមិនដល់។ ម្ចាស់គណនីក៏បានបញ្ជាក់ឱ្យដឹងថា ការគូររូបនេះ ធ្វើឡើងដើម្បីអរគុណទៅដល់លោក Michael B Alfaro ដែលបានជួយផ្សព្វផ្សាយព័ត៌មានពិតពីកម្ពុជា ឱ្យពិភពលោកបានដឹង។
យ៉ាងណាមិញ សម្រាប់បងប្អូនដែលចាប់អារម្មណ៍ទៅលើស្នាដៃសិល្បករកូនខ្មែររូបនេះ អាចទៅគាំទ្រស្នាដៃនៅទីតាំងហាងរបស់គាត់បាន ដែលស្ថិតនៅខេត្តសៀមរាប ក្រោយសារៈមន្ទីរជាតិអង្គរ ជាប់កែងស្តុបស្តាតចាស់ លេខទំនាក់ទំនង 081275708៕
