កំពុងផ្ទុះការរិះគន់! សាលាមួយនៅចិន ឱ្យសិស្សស្រីស្រា./ តខោបញ្ជាក់ការពិត ក្រោយនាងសុំច្បាប់ដោយសារឈឺពោះមកខែ

ថ្មីៗនេះ មាននិស្សិតស្រីម្នាក់ ដែលមកពីសាកលវិទ្យាល័យ Gengdan នៃសាកលវិទ្យាល័យ Beijing University of Technology បានទម្លាយពីរឿងរ៉ាវដែលនាងត្រូវបុគ្គលិកក្នុងសាលាឱ្យស្រាតខោចេញដើម្បីបញ្ជាក់ ក្រោយពីនាងបានទៅសុំច្បាប់ឈឺដោយសារមកតែការមករដូវ។

នាងបានឱ្យដឹងថា នាងបានទៅគ្លីនិកក្នុងសាលា ដើម្បីទៅសុំច្បាប់សម្រាក ដោយសារតែការឈឺចាប់ពេលមករដូវ ប៉ុន្តែពេលទៅដល់ស្រាប់តែបុគ្គលិកបានឱ្យនាងស្រាតខោចេញ ដើម្បីឱ្យគេពិនិត្យមើលថានាងពិតជាមករដូវមែនឬអត់ ដោយអះអាងថានេះគឺជាច្បាប់របស់សាលា ម្យ៉ាងគឺដើម្បីការពារអ្នកដែលចេះតែយកលេសកុហកសុំច្បាប់អត់ប្រយោជន៍។ នាងពិតជាហួសចិត្តខ្លាំងណាស់ ហើយក៏មិនព្រមធ្វើតាមគេឡើយ ព្រមទាំងសុំពិនិត្យមើលច្បាប់នេះជាលាយលក្ខ័អក្សរ តែខាងបុគ្គលិកប្រាប់ថាមិនមាននោះទេ រួចហើយក៏បានប្រាប់ឱ្យនាងទៅសុំឯកសារបញ្ជាក់ការឈឺពីមន្ទីរពេទ្យនៅខាងក្រៅវិញ។

យ៉ាងណាមិញ ខាងសាលាបានចេញបកស្រាយថា វាគ្មានការរំលោភបំពានលើរាងកាយរបស់និស្សិតណាម្នាក់ឡើយ គ្រប់យ៉ាងគឺនៅលើការយល់ព្រមរបស់និស្សិតប៉ុណ្ណោះ។ ដោយឡែក និស្សិតស្រីខាងលើមិនព្រមលុបវីដេអូដែលនាងបានថតចោលឡើយ ហើយក៏ទទូចឱ្យមានការយកចិត្តទុកដាក់ទៅការសុំច្បាប់សម្រាករបស់និស្សិតស្រីដទៃផងដែរ៕

ប្រភព៖ Kapook