ថ្មីៗនេះ មានករណីនៅប្រទេសថៃ ដែលមាននារីម្នាក់នៅសុខៗ មានអ្នកបាញ់លុយចូលកុងធនាគាររបស់នាងរាប់ម៉ឺនដុល្លារស្ទើរតែគាំងទូរស័ព្ទ រហូតដល់នាងរត់ទៅប្តឹងប៉ូលិស ព្រោះខ្លាចថាជាលុយខុសច្បាប់។
នារីខាងលើបានឱ្យដឹងថា ហេតុការណ៍បានកើតឡើងកាលពីម៉ោង ១១ និង ៣០ នាទីយប់ នាថ្ងៃទី ២១ ខែកុម្ភៈ ឆ្នាំ ២០២៥ កន្លងទៅ។ ខណៈនាងកំពុងតែលេងទូរស័ព្ទ ស្រាប់តែមានគេបាញ់លុយចូលកុងធនាគារបស់នាងបន្តបន្ទាប់មិនឈប់រហូតដល់ជាង ៥ សែនបាត ស្មើប្រមាណ ១.៥ ម៉ឺនដុល្លារ ដែលធ្វើឱ្យនាងត្រូវខលទៅខាងធនាគារឱ្យជួយបិទការបាញ់ចូល។
ខាងធនាគារបានសន្និដ្ឋានថា អាចជាការបាញ់លុយខុសកុងធនាគារពីអ្នកលក់អនឡាញមួយចំនួន តែយ៉ាងណាក៏ដោយនារីខាងលើបានទៅប្តឹងប៉ូលិស ព្រមទាំងរក្សាភស្តុតាងទុក ព្រោះតែខ្លាចថាលុយនេះជាលុយខុសច្បាប់។ ខាងប៉ូលិសបានណែនាំឱ្យនារីរូបនេះរក្សាភស្តុតាងទៅបញ្ជាក់ជាមួយធនាគារ រីឯខាងប៉ូលិសនឹងធ្វើការស៊ើបអង្កេតទាក់ទងនឹងករណីនេះបន្តទៀត៕
ប្រភព៖ AMARINTV
