មានករណីដ៏គួរឱ្យហួសចិត្តមួយនៅប្រទេសចិន ដែលមានបុរសចំណាស់ម្នាក់ ធ្លាក់ខ្លួនឈឺដេកពេទ្យ តែភ្ញាក់ស្ទុះវឹងសឹងតែដាច់សរសៃ ក្រោយពីដឹងថាកូនប្រុសនៅផ្ទះបានយកភួយដែលខ្លួនខំលាក់លុយទៅបោះចោលក្នុងធុងសំរាម។
តាមព័ត៌មានបានឱ្យដឹងថា បុរសចំណាស់ខាងលើនេះ កំពុងតែធ្លាក់ខ្លួនឈឺដេកនៅមន្ទីរពេទ្យ។ ក្នុងនោះ ខណៈឪពុកកំពុងដេកពេទ្យ កូនប្រុសរបស់បុរសរូបនេះក៏បានឆ្លៀតសម្អាតផ្ទះ ហើយបានយកភួយកញ្ចាស់ចំនួនពីររបស់ឪពុកទៅបោះចោលក្នុងធុងសំរាម ដោយមិនបានពិនិត្យឱ្យល្អិតល្អន់ឡើយ។ ដោយឡែក អ្នកជិតខាងបានរើសភួយនោះមកមើល ក៏ឃើញថាមានលុយប្រមាណជាង ២ ម៉ឺនដុល្លារនៅក្នុងនោះ ហើយក៏បានផ្តល់ដំណឹងទៅប៉ូលិស។
យ៉ាងណាមិញ ប៉ូលិសបានមករកបុរសចំណាស់ដល់មន្ទីរពេទ្យ ដោយបានប្រាប់ពីដំណើររឿងទាំងអស់ ធ្វើឱ្យបុរសចំណាស់ភ្ញាក់ផ្អើលហើយក៏បានប្រាប់ឱ្យដឹងថា នេះគឺជាលុយរបស់លោកដែលខំសន្សំសម្រាប់ប្រើប្រចាំថ្ងៃ។ ក្នុងនោះ ប៉ូលិសក៏អនុញ្ញាតឱ្យបុរសនេះទៅយកលុយវិញនៅពេលដែលចេញពីមន្ទីរពេទ្យ ដែលធ្វើឱ្យបុរសចំណាស់ធូរទ្រូងខ្សាកតែម្តង៕
ប្រភព៖ Khaosod
