ពិតជាបង្កឱ្យមានការភ្ញាក់ផ្អើលជាខ្លាំងទៅដល់មហាជនអ្នកគាំទ្រវិស័យបវរកញ្ញា បន្ទាប់ពីទទួលបានដំណឹងថានាង Rachel Gupta ដែលជាបវកញ្ញាម្ចាស់មកុដ Miss Grand International 2024 មកពីប្រទេសឥណ្ឌា បានសម្រេចចិត្តលាលែងចេញដំណែងរបស់ខ្លួន។
តាមរយៈការបង្ហោះក្នុងគណនី IG ផ្លូវការរបស់នាង Rachel Gupta នៅថ្ងៃទី ២៨ ខែឧសភា ឆ្នាំ ២០២៥ នេះ បានបង្ហាញឱ្យឃើញថា នាងបានសម្រេចចិត្តលាលែងពីដំណែងបវរកញ្ញា ព្រមទាំងប្រគល់មកុដទៅឱ្យស្ថាប័ន MGI វិញហើយ។ កន្លងមកនាងពិតជាមោទនភាពណាស់ ដែលបានទទួលដំណែងនេះ ហើយក៏សង្ឃឹមនាងអាចនឹងលើកមុខលើកមាត់ប្រទេសរបស់នាង ប៉ុន្តែក្រោយពីបានដំណែងរួច នាងតែងទទួលបានការសន្យាខ្យល់ ទង្វើមិនសមរម្យ និង បរិស្ថានដែល Toxic ដូច្នេះហើយនាងមិនអាចទ្រាំទ្រស្ងាត់តទៅទៀតបាននោះទេ។
នាង Rachel Gupta បានបន្ថែមទៀតថា ការសម្រេចចិត្តនេះដែរ នាងមិនបានធ្វើតាមអារម្មណ៍ឡើយ ហើយប៉ុន្មានថ្ងៃខាងមុខនេះនាងនឹងចេញវីដេអូនិយាយអំពីការលំបាករបស់នាងទាំងប៉ុន្មាននៅក្នុងដំណើរជាបវរកញ្ញាក្នុងស្ថាប័ន MGI នេះ។ នាងសូមឱ្យមហាជនអ្នកគាំទ្រមេត្តា និង បើកចិត្តទទួលយកការសម្រេចចិត្តរបស់នាងផងដែរ៕
