ថ្មីៗនេះ សារព័ត៌មានបរទេសបានរាយការណ៍ថា ក្រសួងធនធានធម្មជាតិរបស់ចិន បានរកឃើញកំណប់រ៉ែមាសដ៏ធំបំផុតមិនធ្លាប់មានរហូតដល់ទៅ ១ ៤៤៤ តោន។

តាមព័ត៌មានបានឱ្យដឹងថា កំណប់រ៉ែមាសនេះត្រូវបានរកឃើញនៅក្នុងខេត្ត Liaoning ភាគឦសានប្រទេសចិនដោយក្រុមហ៊ុន Liaoning Mining and Geology Group ដែលបានប្រើកម្មករ និងអ្នកបច្ចេកទេសជិត ១ ០០០ នាក់ក្នុងការត្រួតពិនិត្យ និងស្វែងរកកំណប់រ៉ែនេះ ដោយប្រើពេលត្រឹមតែ ១៥ ខែ ដែលចាត់ទុកថាលឿនបំផុតសម្រាប់កំណប់រ៉ែមាសខ្នាតធំយ៉ាងដូច្នេះ។

យ៉ាងណាមិញ តាមព័ត៌មានបានឱ្យដឹងថា កំណប់រ៉ែមាសខាងលើមានទម្ងន់ប្រមាណជា ១ ៤៤៤ តោន ហើយបើតាមហាងឆេងមាសបច្ចុប្បន្ន វាមានតម្លៃរហូតទៅដល់ជាង ១.៩ សែនលានដុល្លារឯណោះ។ ដោយឡែកក្រសួងធនធានធម្មជាតិរបស់ចិន បានប្រកាសឱ្យដឹងថានេះគឺកំណប់រ៉ែមាសដ៏ធំបំផុត ដែលចិនបានជីករកឃើញតាំងពីឆ្នាំ ១៩៤៩ មកម្ល៉េះ៕


ប្រភព៖ VNEXPRESS