កៀកថ្ងៃសែនឆេងម៉េង! សកម្មភាព ៥ យ៉ាងមិនគួរធ្វើក្នុងថ្ងៃសែន ជាពិសេសស្រ្តីមានផ្ទៃពោះ និង ទារកតូចៗ

នៅថ្ងៃទី ២៨ ខែមីនា ឆ្នាំ ២០២៥ នេះ តាមរយៈផេក Yin Paradise របស់អ្នកគ្រូហុងស៊ុយណាលី ដែលជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកនូវចំណេះដឹងក្បួនហុងស៊ុយ ពិសេសនោះគឺ សកម្មភាពទាំង ៥ យ៉ាង ដែលមិនគួរប្រព្រឹត្តិនៅក្នុងថ្ងៃសែនឆេងម៉េង ដែលនឹងខិតជិតមកដល់ឆាប់ៗនេះ។

អ្នកគ្រូបានបញ្ជាក់ឱ្យបានដឹងថា សម្រាប់បងប្អូនដែលប្រារព្ធសែនឆេងម៉េង សូមកុំប្រព្រឹត្តសកម្មភាពទាំង ៥ យ៉ាងនេះ ដើម្បីចៀសផុតពីហានិភ័យ និង ដើម្បីសុវត្ថិភាពផ្ទាល់ខ្លួន និង ក្រុមគ្រួសារ ដែលមានដូចជា ៖

១.ហាមដុតផាវ

បើអ្នកមិនប្រាកដទេថាទិសឆុងឬអត់ ហាមបំផ្ទុះផាវដាច់ខាត ព្រោះវាអាចបង្ករផលប៉ះពាល់ដល់ខ្លួនអ្នក និង អ្នកដទៃ។

២. ហាមថតរូបលក្ខណៈគ្រួសារ ជាប់ម៉ុងពីក្រោយ

អ្នកអាចថតបាន តែហាមបង្ហោះលើបណ្ដាញសង្គមដោយឃើញមានម៉ុងច្បាស់ៗនៅខាងក្រោយ វាអាចប៉ះពាល់ដល់សមាជិកគ្រួសារផ្សេងៗ។

៣. ហាមស្ត្រីមករដូវ (មកខែ) ឡើងប្រក់ផ្នូរ

ជារឿងមួយសំខាន់ ទាំងផ្នែកហុងស៊ុយបែបវិទ្យាសាស្ត្រ និង ជំនឿផ្សេងៗ

៤. ហាមស្ត្រីមានផ្ទៃពោះមកសែនផ្នូរ

បើមានការរង្គោះរង្គើរចំទិសឆុង អាចប៉ះពាល់ដល់កូនក្នុងផ្ទៃធ្ងន់ធ្ងរ

៥. ហាមយកទារកមកជាមួយ

នៅកន្លែងសែន អាចមានផ្នូរច្រើនក្រៅពីផ្នូរដូនតារបស់យើង ដូច្នេះហើយ ពុំគួរយកទារកមកជាមួយឡើយ៕