នៅថ្ងៃទី ២ ខែមិថុនា ឆ្នាំ ២០២៥ នេះ នៅក្នុងតំបន់មួយនៃខេត្ត Pattani ប្រទេសថៃ មានករណីលួចបំផ្ទុះគ្រាប់បែកមួយបានកើតឡើង បណ្តាលឱ្យមានទាហាន និង ពលរដ្ឋសរុបចំនួន ៥ នាក់ បានស្លាប់ និង រងរបួស។
តាមព័ត៌មានបានឱ្យដឹងថា ហេតុការណ៍បានកើតឡើងនៅលើផ្លូវ 4157, Ban Na Phrao, ភូមិ Panare ខេត្ត Pattani កាលពីវេលាម៉ោងប្រមាណ ៨ និង ៣០ នាទីព្រឹក ក្នុងថ្ងៃទី ២ មិថុនា ឆ្នាំ ២០២៥ នេះ។ ក្នុងនោះ រថយន្តរបស់ទាហានរងការបំផ្ទុះ បានផ្ទុះក្រឡាប់ធ្លាក់ចេញពីផ្លូវ បណ្តាលឱ្យទាហាន ១ នាក់ស្លាប់បាត់បងជីវិត និង ៣ នាក់បានរងរបួស។ តាមសេចក្តីរាយការបានបន្ថែមថា ខណៈផ្ទុះនោះ រថយន្តបានខ្ទាតទៅបុកអ្នកដំណើរជាបុរសម្នាក់ទៀតដែលជិះម៉ូតូកាត់ បណ្តាលឱ្យរងរបួសផងដែរ។
បន្ទាប់ពីហេតុការណ៍នេះកើតឡើង កម្លាំងជំនាញ និង អាជ្ញាធរទាក់ទងនឹងគ្រឿងផ្ទុះ បានចុះមកត្រួតពិនិត្យ និង បានបិទទីតាំងកើតហេតុដើម្បីស៊ើបអង្កេត ខណៈជនរងគ្រោះទាំងអស់ត្រូវបានគេបញ្ជូនទៅមន្ទីរពេទ្យ៕
ប្រភព៖ Khaosod
