កម្មវិធីប្រកួតសម្រស់អន្តរជាតិ Miss Supranational 2025 នារាត្រីវគ្គផ្តាច់ព្រ័ត្រថ្ងៃទី ២៧ ខែមិថុនា ឆ្នាំ ២០២៥ នៅប្រទេសប៉ូឡូញ បានរកឃើញម្ចាស់ជ័យលាភីគ្រងមកុដថ្មី Miss Supranational ប្រចាំឆ្នាំ ២០២៥ ហើយ ដែលបានទៅលើបវរកញ្ញាតំណាងប្រទេសប្រេស៊ីស គឺកញ្ញា Eduarda Braum។
ក្នុងរាត្រីវគ្គផ្ដាច់ព្រ័ត្រនៃកម្មវិធីនេះ ចំពោះបវរកញ្ញាតំណាងកម្ពុជា ឈុំ ចាន់ដារ៉ា កំពុងត្រូវបានមហាជនអ្នកគាំទ្របង្ហាញការស្ដាយខ្លាំង ដែលនាងមិនមានឱកាសអាចឈានចូល Top ណាមួយនៃកម្មវិធីប្រកួតដ៏អស្ចារ្យនេះឡើយ ប៉ុន្តែយ៉ាងណាក៏បវរកញ្ញារូបនេះបានខំប្រឹងអស់ពីសមត្ថភាពហើយ និង ធ្វើបានយ៉ាងល្អខ្លាំងលើឆាកមួយនេះ។
ដ្បិតតែមិនទទួលបានលទ្ធផលល្អ តែមហាជនអ្នកគាំទ្រកម្ពុជាបានចែករំលែកបង្ហាញក្ដីរំភើប និង មានមោទកភាពលើបវរកញ្ញា ឈុំ ចាន់ដារ៉ា ព្រោះនាងពិតជាបង្ហាញសមត្ថភាពបានល្អគ្រប់វគ្គប្រកួតលើឆាកដ៏ធំមួយនេះសម្រាប់កម្ពុជា ព្រមទាំងនាងជានារីម្នាក់ដែលអាចឱ្យអន្តរជាតិស្គាល់កម្ពុជាកាន់តែច្រើនផងដែរ៕
