នៅថ្ងៃទី ១១ ខែកក្កដា ឆ្នាំ ២០២៥ ក្រសួងវប្បធម៌ និង វិចិត្រសិល្បៈ បានជូនដំណឹងអបអរសាទរ ក្នុងការចុះបញ្ជីបូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និង សន្តិភាព ទៅក្នុងបញ្ជីបេតិកភណ្ឌពិភពលោក នៅទីក្រុងប៉ារីស សាធារណរដ្ឋបារាំងវេលាម៉ោង ៥:៣៥ នាទីរសៀល និង វេលាម៉ោង ១០:៣៥ នាទីយប់ ថ្ងៃទី ១១ ខែកក្កដា ឆ្នាំ ២០២៥ នៅព្រះរាជាណាចក្រកម្ពុជា។
ក្រសួងវប្បធម៌ និង វិចិត្រសិល្បៈ បានបញ្ជាក់ឱ្យដឹងផងដែរថា ការចុះបញ្ជីបូជនីយដ្ឋានចងចាំនៃកម្ពុជា មានគោលបំណងការពារបូជនីយដ្ឋានចងចាំនៃកម្ពុជា និង គាំទ្រដល់ដំណើរការរៀបចំដាក់ទីតាំងចំនួនបី ទៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ រួមមាន ៖
– អតីតមន្ទីរឃុំឃាំង ១៣ (ខេត្តកំពង់ស្ពឺ)
– សារមន្ទីរឧក្រិដ្ឋកម្មប្រល័យពូជសាសន៍ទួលស្លែង
– មជ្ឈមណ្ឌលឧក្រិដ្ឋកម្មប្រល័យពូជសាសន៍ជើងឯក (ស្ថិតនៅរាជធានីភ្នំពេញ)៕
