នៅថ្ងៃទី ០៤ ខែមីនា ឆ្នាំ ២០២៥ នេះ បេឡាជាតិសន្តិសុខសង្គម បានចែករំលែកចំណេះដឹង អំពីអត្ថប្រយោជន៍មួយចំនួន ដែលសមាជិក ប.ស.ស ជាកម្មការិនី នឹងទទួលបានពេលមានផ្ទៃពោះ។
ក្នុងនោះ បេឡាជាតិសន្តិសុខសង្គម បានបញ្ជាក់ឱ្យដឹងថា សមាជិក ប.ស.ស. ដែលជាកម្មការិនីមានផ្ទៃពោះ នឹងទទួលបានអត្ថប្រយោជន៍ជាច្រើនរួមមាន៖
១. ទទួលបានសេវាពិនិត្យ និង ថែទាំមុន និង ក្រោយសម្រាល
២. ︎ទទួលបានសេវាសម្រាលកូនដោយឥតគិតថ្លៃនៅគ្រប់មន្ទីរពេទ្យដៃគូ ប.ស.ស.
៣.︎ ទទួលបានប្រាក់បំណាច់ប្រចាំថ្ងៃ ៧០% ចំនួន ៩០ ថ្ងៃ
៤.︎ ទទួលបានប្រាក់ឧបត្ថម្ភរបស់រាជរដ្ឋាភិបាល ក្នុងអំឡុងពេលពិនិត្យផ្ទៃពោះ មុនសម្រាល និង ក្រោយសម្រាល និង ការចាក់វ៉ាក់សាំងកូនរហូតកុមារអាយុក្រោម ២ ឆ្នាំ។
ក្នុងនោះ ប.ស.ស ក៏បន្ថែមឱ្យដឹងថា ដើម្បីទទួលបានប្រាក់បំណាច់ប្រចាំថ្ងៃ ៧០% ខាងលើ លុះត្រាតែបានបង់ភាគទានមក ប.ស.ស. បានយ៉ាងតិច ៩ ខែក្នុងអំឡុងពេល ១២ ខែចុងក្រោយ គិតមកដល់ខែសម្រាលកូន។ សម្រាប់ព័ត៌មានបន្ថែម សូមទំនាក់ទំនងទៅកាន់លេខ ១២៩៧ ឬ ១២៨៦៕
ប្រភព ៖ បេឡាជាតិសន្តិសុខសង្គម
