ពេលវេលាកាន់តែកៀកហើយ មហោស្រពសិល្បៈបុណ្យភូមិមានជើង នឹងប្រារព្ធឡើងលើទឹកដីខេត្តព្រះវិហារ ពោលគឺចាប់ផ្តើមពីថ្ងៃទី ២១ ដល់ ថ្ងៃទី ២៣ ខែវិច្ឆិកា ខាងមុខនេះ។
តស់! ឥលូវយើងមកមើលបន្តិចមើលថាតើនៅក្នុងមហោស្រពសិល្បៈបុណ្យភូមិមានជើង មានកម្មវិធីអ្វីខ្លះ?
១. ថ្ងៃសុក្រ ទី ២១ ខែ វិច្ឆិកា រៀបចំនៅប្រាសាទកោះកេរ
+ ពេលព្រឹក៖ បុណ្យភូមិមានជើង នឹងរៀបចំការរត់ដើម្បីសន្តិភាព និងសិទ្ធិកុមារ នៅឯប្រាសាទកោះកេរ ព្រមទាំងបើកកម្មវិធី ពីយូនីសេហ្វ ដើម្បីប្រារព្ធទិវាកុមារពិភពេលាកនៅបរិវេណប្រាសាទ។
២. ថ្ងៃសៅរ៍ ទី ២២ ខែវិច្ឆិកា រៀបចំនៅបរិវេណវិទ្យាល័យ ជា ស៊ីម ត្បែងមានជ័យ
+ ពេលព្រឹក៖ សកម្មភាពអប់រំពី ភូមិយូនីសេហ្វ និងផ្ទះសិល្បៈ ការលេងល្បែងកម្សាន្ត និង ការសម្តែងរបាំបុរាណពីសិល្បៈករ
+ ពេលរសៀល៖ ការសម្តែងពីក្រុមពេទ្យសិល្បៈ និង តន្ត្រីសម័យចូលរួមដោយ កញ្ញា កេសរ និង កញ្ញា រ៉ក់ស្សុី។
៣. ថ្ងៃអាទិត្យ ទី ២៣ ខែវិច្ឆិកា ទីតាំង នៅសាលាបឋមសិក្សាជាស៊ីមត្បែងមានជ័យ
+ ពេលព្រឹក៖ សកម្មភាពអប់រំពី ភូមិយូនីសេហ្វ និងផ្ទះសិល្បៈ ការលេងល្បែងប្រជាប្រិយ, ការសម្តែងពីពេទ្យសិល្បៈ និង តួត្លុក
+ ពេលរសៀល៖ ការលេងល្បែងប្រជាប្រិយ, ការសម្តែងរបាំ, ការសម្តែងពីតួត្លុក និង មានការសម្តែងយីកេរ។
គួរជម្រាបថា មហោស្រពសិល្បៈបុណ្យភូមិមានជើង រៀបចំដោយ៖ ភ្លើងគប់ PlerngKob សហការរៀបចំដោយ៖ UNICEF Cambodia – ដើម្បីកុមារគ្រប់រូប៕
