នៅថ្ងៃទី ០២ ខែមិថុនា ឆ្នាំ ២០២៥ លោកគ្រូចិនសែ ម៉ុង ដែលជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកចំណេះដឹងនៅលើផេក ហុងស៊ុយ ពិសេសគឺការព្យាករណ៍តាមក្បួនហុងស៊ុយ នូវរឿងរ៉ាវដែលនឹងអាចកើតមានឡើង នៅក្នុងខែមិថុនា ឆ្នាំ ២០២៥ នេះ។
តាមរយៈផេក ហុងស៊ុយ របស់លោកគ្រូ បានបញ្ជាក់ថា ៖ «នៅក្នុងខែមិថុនានេះ មានរឿងមួយដែលត្រូវប្រយ័ត្ន ក្នុងចំណោមរឿងត្រូវប្រយ័ត្នច្រើនទៀត នោះគឺករណីមានផ្គរ រន្ទះបាញ់ បាក់ដី ឬ គ្រោះថ្នាក់ដោយសារដី ច្រើនករណី ទាំងធ្ងន់ធ្ងរ មានទាំងករណីស្រាលៗ ភាគច្រើនកើតនៅតំបន់មានទឹក តាមដងទន្លេ ស្រះ បឹង សមុទ្រ ជាដើម»។
ក្នុងនោះ លោកគ្រូបានណែនាំឱ្យបង្កើនការប្រុងប្រយ័ត្ន បើទោះនេះជាការព្យាករណ៍ក៏ដោយ ដែលជាក់ស្ដែងបូករួមនៅកម្ពុជា ក៏ជាខែដែលចាប់ផ្ដើមចូលរដូវវស្សាក៏ដោយ៕
