ពាក្យអាច្រមក់ យើងចង់សំដៅដល់អវយវៈភេទរបស់បុរសឬលិង្គ ដែលកន្លងមកគេជឿថា គ្រាន់តែសម្គាល់តាមរយៈម្រាមដៃម្រាមជើងឬកម្ពស់មាឌ នឹងអាចដឹងពីទំហំរបស់វា។ តែយ៉ាងណាមិញ បន្ទាប់ពីអ្នកវិទ្យាសាស្ត្របានសិក្សារួច យើងអាចសម្គាល់ដឹងត្រឹមតែចំណុចមួយនៅលើមុខ។
ជាក់ស្តែង អ្នកវិទ្យាសាស្ត្របានសិក្សាទៅលើបុរសនៅជប៉ុន ហើយពួកគេបានរកឃើញថា ត្រង់ចំណុចគោលមួយនៅលើមុខ មានភាពពាក់ព័ន្ធទៅនឹងបុរសភាពនោះគឺ ច្រមុះ។ ចម្រុះធំ និង សាច់ក្រាស់ វាពាក់ព័ន្ធទៅនឹងកម្រិតអ័រម៉ូនតេស្តូស្តេរ៉ូន (testosterone)។ ហើយច្រមុះធំ វាក៏បង្ហាញថាទំហំលិង្គក៏ធំផងដែរ។ សូម្បីយោងតាមការស្រាវជ្រាវមួយ ដែលមានឈ្មោះថា the Journal of Basic and Clinical Andrology ក៏បានចេញផ្សាយថា ច្រមុះ និង ទំហំលិង្គ ពិតជាមានភាពពាក់ព័ន្ធគ្នា។
អ្នកស្រាវជ្រាវបានសិក្សាទៅលើរាងកាយបុរសវ័យកណ្តាលចំនួន ១២៦ នាក់ ដោយគេបានកត់សម្គាល់ពីកម្ពស់ រង្វាស់ទម្ងន់ ទម្ងន់ពងស្វាស ប្រវែងលិង្គពេលឡើង និង ទន់ ព្រមទាំងវាស់ប្រវែងលិង្គពីគល់ មកសិក្សាថ្លឹងថ្លែងជាមួយប្រវែងច្រមុះពីគល់ផងដែរ។ ជាលទ្ធផល បុរសដែលមានច្រមុះតូចជាង 1.8 អ៊ីញ ឬ ៤,៥៧ ស.ម មានប្រវែងលិង្គប្រមាណ 4.1 អ៊ីញ ឬ ១០,៤១ ស.ម។ ចំណែកអ្នកមានច្រមុះប្រវែង 2.2 អ៊ីញ ឬ ៥,៥៨ ស.ម ឬ វែងជាងនេះបន្តិច ពួកគេមានប្រវែងលិង្គ 5.3 អ៊ីញ ឬប្រមាណ ១៣,៤៦ ស.ម។
អ្នកស្រាវជ្រាវបង្ហាញថា វាជាការពិតដែលទំហំច្រមុះមានភាពពាក់ព័ន្ធទៅនឹងប្រវែងលិង្គ ដោយមិនចាំបាច់សម្គាល់តាមចំណុចជឿតតគ្នាដូចជា អាយុ កម្ពស់ ទំហំជើង ឬទម្ងន់ខ្លួននោះទេ។ យ៉ាងណាក្តី អ្នកស្រាវជ្រាវថា ទំហំលិង្គតូចឬធំ វាមិនជាបញ្ហា អ្វីដែលសំខាន់ អ្នកមានតិចនិចពូកែ អាចធ្វើឱ្យដៃគូ និង ខ្លួនឯងមានក្តីសុខគឺគ្រប់គ្រាន់៕
ប្រភព៖ pulse
