កីឡាករបាល់ទាត់របស់ចិនម្នាក់ ស្លា./ប់ទាំងវ័យក្មេង ក្រោយពីត្រូវគេអុកមួយជង្គង់ចំក្បា..ល អំឡុងពេលហ្វឹកហាត់

សារព័ត៌មាន​បរទេសបានឱ្យដឹងថា Guo JiaXuan ដែលជាកីឡាករ U19 នៅក្នុងក្រុម Guoan របស់ប្រទេសចិន បានបាត់បង់ជីវិតហើយ ក្រោយពីប្រទះហេតុការណ៍ត្រូវគេអុកមួយជង្គង់ចំក្បាល ខណៈកំពុងហ្វឹកហាត់បាល់។

តាមព័ត៌មានបានឱ្យដឹងថា កាលពីខែកុម្ភៈ ឆ្នាំ ២០២៥ កន្លងទៅ Guo JiaXuan ជាមួយនឹងក្រុម Guoan បានធ្វើដំណើរទៅហ្វឹកហាត់បាល់នៅឯទីក្រុង Madrid ប្រទេសអេស្ប៉ាញ។ ក្នុងនោះដែរក្រុម Guoan បានលេងកំដៅសាច់ដុំជាមួយនឹងក្រុម RC Alcobenda នៅពេលនោះស្រាប់តែ Guo JiaXuan ត្រូវចៃដន្យគេអុកមួយជង្គង់ចំក្បាល ធ្វើឱ្យសន្លប់បាត់មាត់នៅទីលានប្រកួត និងបណ្តាលឱ្យប៉ះពាល់ដល់ខួរក្បាលយ៉ាងខ្លាំង ហើយក៏ត្រូវបានគេបញ្ជូនទៅព្យាបាលនៅឯប្រទេសចិនវិញ។

យ៉ាងណាមិញ នៅថ្ងៃទី ១៩ ខែមីនា ឆ្នាំ ២០២៥ កន្លងទៅនេះ Guo JiaXuan ក៏បានបាត់បង់ជីវិតទៅហើយ បើជាខាងក្រុមគ្រូពេទ្យ ក៏ដូចជាគ្រួសារខំប្រឹងរក្សាព្យាបាលយ៉ាងណាក៏ដោយ។ ដោយឡែក ការស្លាប់របស់ Guo JiaXuan បានធ្វើឱ្យមហាជនមានការសោកស្តាយខ្លាំងណាស់ ព្រោះជាការបាត់បង់ធនធានក្នុងវិស័យបាល់ទាត់មួយរបស់ចិន៕

ប្រភព៖ AMARINTV