មហាជនអ្នកតាមដានកម្មវិធីប្រកួតថ្វីដៃធ្វើម្ហូប MasterChef Cambodia រដូវកាលទី ៣ បានស្គាល់ហើយពីអតីតបេក្ខជនវ័យ ៣៨ ឆ្នាំ លោក វីល្លៀម ដ្បិតតែមិនទទួលបានជោគជ័យក្នុងកម្មវិធីប្រកួតនេះ តែលោកក៏ជាបេក្ខជនដ៏ឆ្នើមមានថ្វីដៃខ្លាំងលេចធ្លោក្នុងការចម្អិនជាច្រើនវគ្គផងដែរ។
ក្រោយពីប្រកួតកម្មវិធី Masterchef Cambodia រដូវកាលទី ៣ ដែលត្រូវចម្រុះចេញត្រឹមវគ្គ Top 10 ក្នុងសប្ដាហ៍ទី ២០ អតីតបេក្ខជនរូបនេះ នៅតែទទួលបានការចាប់អារម្មណ៍តាមដានពីសកម្មភាពផ្សេងៗ ដែលលោកចែករំលែកលើបណ្ដាញសង្គមទាក់ទងនឹងការងារក្នុងវិស័យម្ហូបនេះដែរ។
ដោយឡែក អ្វីដែលធ្វើឱ្យមហាជនអ្នកគាំទ្រកំពុងចាប់អារម្មណ៍ខ្លាំង ដោយកន្លងទៅនេះគេបានឃើញលោក វីល្លៀម បានបង្ហោះរូបភាពប៉ុន្មានសន្លឹកលើហ្វេសប៊ុករបស់ខ្លួន ដោយបានអួតពីរូបសម្រស់របស់ខ្លួនកាលពីជាង ១០ ឆ្នាំមុន ក្នុងវ័យ ២០ ឆ្នាំក្រាស់នោះ មើលទៅមុខមាត់ រូបរាងមាំមួន សាច់ដុំកង់ៗស្រស់សង្ហាមិនធម្មតា។ ជាមួយគ្នានោះ លោក វីល្លៀម ក៏បានរៀបរាប់ភ្ជាប់ជាមួយរូបភាពថា ៖ «សាកស្រមៃទៅ 10 ឆ្នាំមុន វីល្លៀម ចូលប្រកួត Masterchef មានហ្វេនច្រើនអត់ណ៎»៕
