ជាធម្មតានៅក្នុងសង្គមមនុស្ស តែងតែចៀសមិនផុតឡើយពីការនិយាយដើមគ្នា ដែលមានអ្នកមួយចំនួនក៏គិតថាវាជារឿងមិនល្អ គ្មានប្រយោជន៍មិនគួរនិយាយមិនគួរធ្វើ តែតាមពិតទៅការនិយាយដើមនេះ អាចមានប្រយោជន៍ដល់សុខភាពមនុស្សផងដែរ។ តើវាអាចជួយមនុស្សបានកម្រិតណា? តស់! មកតាមជាមួយការសិក្សាថ្មីដែលគេទើបរកឃើញទាំងអស់គ្នា។
១. កាត់បន្ថយភាពស្រ្តេស
ការនិយាយដើមគេ គឺដូចជាការនិយាយបន្ធូរនូវអារម្មណ៍តានតឹង ហើយមានការសិក្សាមួយបានឱ្យដឹងថា វាអាចជួយកាត់បន្ថយ Colesterol ឬ អរម៉ូនភាពស្រ្តេស និង អាចជួយរំសាយអារម្មណ៍ឱ្យបានល្អផងដែរ។
២. បង្កើនអរម៉ូន Dopamine
ការនិយាយដើមគេ ឬ និយាយគ្នាពីនោះពីនោះជាមួយមិត្តភក្តិ អាចជំរុញឱ្យមានការបញ្ចេញអរម៉ូន ដែលជាអរម៉ូន Dopamine សំខាន់ក្នុងបញ្ចេញភាពសប្បាយរីករាយ និង គ្រប់គ្រងអារម្មណ៍។ ដូច្នេះការនិយាយដើមគេ អាចជួយជំរុញការបង្កើនអរម៉ូន Dopamine នៅក្នុងខ្លួន ដែលធ្វើឱ្យអារម្មណ៍កាន់តែល្អ។
៣. ពង្រឹងប្រព័ន្ធភាពស៊ាំក្នុងរាងកាយ
ភាពស្រ្តេសកាន់តែតិច ការគ្រប់គ្រងអារម្មណ៍កាន់តែល្អ មានន័យថាប្រព័ន្ធភាពស៊ាំនៅក្នុងខ្លួនកាន់តែរឹងមាំ។ ដូចនេះហើយការនិយាយដើមគេ អាជួយពង្រឹងប្រព័ន្ធភាពស៊ាំនៅក្នុងរាងកាយឱ្យកាន់តែរឹងមាំដោយមិនដឹងខ្លួន។
តាមការសិក្សាថ្មីនោះ គេក៏បានបញ្ជាក់ដែរថា ការនិយាយដើមអ្នកណាក៏ដោយយ៉ាងហោយក្នុង ១ ថ្ងៃឱ្យបាន ៥ ម៉ោង ឬ មួយ ២៤៨ នាទី ក្នុង ១ ថ្ងៃ គឺមានប្រយោជន៍ច្រើន ជាពិសេសទៅលើមនុស្សស្រី ព្រោះវាធ្វើឱ្យខួរក្បាលរដាស់ល្អ មានការចង់ចាំល្អ ធ្វើឱ្យបាត់បង់ភាពស្ត្រេស តានតឹង និង សុខភាពផ្លូវចិត្តល្អ ដែលអាចធ្វើសុខភាពទាំងមូលល្អផងដែរ។ គេបញ្ជាក់ទៀតថា ការនិយាយដើមគេនេះទៀតសោត ទោះនិយាយនៅទីណា ជាមួយអ្នកណា មិនថាគ្រួសារ មិត្តភក្តិ សង្សារ ឬ អ្នកជិតខាងក៏ដោយ ធ្វើយ៉ាងណាឱ្យបាន ៥ ម៉ោង ឬ ២៤៨ នាទី ក្នុង ១ ថ្ងៃ នោះនឹងជួយដល់សុខភាពមិនខាន។
ទោះជាយ៉ាងនេះក្ដី ការនិយាយដើមគេនេះ គឺជាទង្វើមួយមិនគម្បីដែលធ្វើឱ្យប៉ះពាល់អ្នកដទៃ និង ជាការបំពានសីលធម៌មួយផងដែរ។ ដូច្នេះគួរ ឬ មិនគួរ ត្រូវគិតមើលឱ្យបានច្បាស់ជាមុនសិន មុននឹងនិយាយដើមនរណាម្នាក់៕
