ការសិក្សាថ្មី! នារីៗត្រូវការជួបគូស្នេហ៍តែ ៤៧ នាទីក្នុងមួយថ្ងៃ បើបុរសៗធ្វើសកម្មភាពទាំងនេះទៀត ខាងស្រីនឹងស្រឡាញ់ងប់ទៅណាមិនរួច

ជាគន្លឹះសម្រាប់បុរសៗមានគូស្នេហ៍ ដោយការសិក្សាថ្មីមួយបានរកឃើញថា ស្ត្រីមានអារម្មណ៍ពេញចិត្តបំផុតនៅក្នុងទំនាក់ទំនង នៅពេលពួកគេទទួលបានការស្និទ្ធស្នាលជាមួយដៃគូ ត្រឹមរយៈពេលតែ ៤៧ នាទីប៉ុណ្ណោះក្នុងមួយថ្ងៃ។

ភាពស្និទ្ធស្នាលនេះ មិនមែនជាការខ្វាយខ្វល់តាមរយៈការឆាតអនឡាញ ឬ វីដេអូខលនោះទេ តែជាការជួបគ្នាផ្ទាល់ នៅជិតគ្នា មានពេលផ្តោតលើគ្នា មិនថា ជាការសន្ទនាដ៏មានន័យ ធ្វើសកម្មភាពផ្សេងៗជាមួយគ្នា ឬ ក៏បង្ហាញទង្វើស្រលាញ់។ បើតាមអ្នកស្រាវជ្រាវ សកម្មភាពតូចៗប្រចាំថ្ងៃទាំងនេះ អាចជួយបណ្តុះបណ្តាលទំនាក់ទំនងទាំងផ្លូវអារម្មណ៍ និង ការពេញចិត្តចំពោះទំនាក់ទំនង។

អ្នកជំនាញបានលើកឡើងទៀតថា គុណភាពនៃនាទីតិចតួចពិតជាសំខាន់។ បើទោះវាជាការទំនាក់ទំនងក្នុងរយៈពេលខ្លី អាចជាសកម្មភាពចម្អិនម្ហូបជាមួយគ្នា នាំសត្វចិញ្ចឹមដើរលេង ឬ ជជែកគ្នាលេងដោយគ្មានទូរស័ព្ទ វានឹងបង្កើតនូវទំនុកចិត្ត ភាពស្និទ្ធស្នាល និង សុភមង្គលរយៈពេលវែង។ ដូច្នេះ បើបុរសៗចង់ឱ្យនារីគូស្នេហ៍ស្រលាញ់អ្នកកាន់តែខ្លាំង អ្នកគួរចំណាយពេលជាមួយនាងហោចណាស់ត្រឹម ៤៧ នាទីក្នុងមួយថ្ងៃ ឬ អាចថា ៤៧ នាទីនេះ ជាភាសាស្នេហ៍ ឬ Love Language របស់នាងផងដែរ៕​

ប្រភព៖ Psychology Today