ការពិតមានបញ្ហាយ៉ាងនេះសោះ! ស៊ីន យូប៊ីន តារាខ្មែរដ៏មានឥទ្ធិពល បកស្រាយហើយជុំវិញភាពស្ងាត់ជ្រាបមិនឃើញផុសបញ្ហាជាតិនឹងគេ

ស្របពេលមហាជនអ្នកប្រើប្រាស់លើបណ្ដាញសង្គមកម្ពុជា កំពុងផ្ទុះចែករំលែកពាក់ព័ន្ធនឹងការឈ្លានពានវាយប្រហាពីខាងថៃមកលើកម្ពុជា ដែលមានទាំងអ្នកសិល្បៈ ក៏ដូចជាបុគ្គលល្បីៗ បានរួមដៃគ្នាចែករំលែកយ៉ាងសុះសាយនោះ ក៏មានមតិវែកញែកលើអ្នកសិល្បៈ ក៏ដូចជាបុគ្គលល្បីៗមួយចំនួនដែលស្ងាត់មិនទាន់ឃើញចេញបង្ហោះការពារប្រទេសជាតិដែរ។

ក្នុងចំណោមអ្នកសិល្បៈមួយចំនួនដែលស្ងាត់មិនឃើញបង្ហោះពីប្រទេសជាតិ បើតាមរយៈការចែករំលែកពីមហាជនជាច្រើន ក៏មានការវែកញែកលើតារាសម្ដែងស្រី ស៊ីន យូប៊ីន ផងដែរ ខណៈលើហ្វេសប៊ុកផេក និង គណនីហ្វេសប៊ុករបស់តារាស្រីរូបនេះ មិនឃើញមានសកម្មភាពអ្វីទាក់ទងនឹងបញ្ហាប្រទេសជាតិ ដែលធ្វើឱ្យមហាជនអ្នកគាំទ្របាន Mention ឈ្មោះរបស់រូបនាងលើកមកវែកញែករិះគន់ទៀតផង។

ក្រោយរងការវែកញែកខ្លាំងពីមហាជន មកដល់ថ្មីៗនេះ ក៏បានឃើញហ្វេសប៊ុកផេករបស់កញ្ញា ស៊ីន ជេននី ដែលជាប្អូនស្រីរបស់តារាស្រីរូបនេះ បានបង្ហោះសារជូនដំណឹងមួយ ដោយបញ្ជាក់ថាជាកញ្ញា ស៊ីន យូប៊ីន បង្ហោះឡើងក្នុងគោលបំណងបកស្រាយ និង ជូនជាដំណឹងពីមូលហេតុដែលនាងស្ងាត់ ដោយសារតែហ្វេសប៊ុកផេក និង គណនីហ្វេសប៊ុករបស់នាង ត្រូវបានក្រុមហ៊ុនហ្វេសប៊ុក Lock Account តាំងពីថ្ងៃទី ១១ ខែមិថុនា ឆ្នាំ ២០២៥ កន្លងទៅម្ល៉េះ។

លើសពីនេះ ស៊ីន យូប៊ីន ក៏បានបញ្ជាក់ឱ្យដឹងថាពាក់ព័ន្ធនឹងរឿងការឈ្លានពានមកលើកម្ពុជា នាងក៏បានបង្ហោះក្នុងគណនីអ៊ីនស្ដាក្រាម និង TikTok រួចរាល់ ក្នុងនាមជាកូនខ្មែរមួយរូបដោយមិនមានជាប់សាច់ឈាមថៃបន្តិចឡើយ៕