នៅថ្ងៃទី ១៨ ខែសីហា ឆ្នាំ ២០២៥ តាមរយៈផេក My Destiny របស់អ្នកគ្រូហុងស៊ុយ ណាលី ដែលជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកចំណេះដឹងហុងស៊ុយ ឱ្យបងប្អូនប្រុងប្រយ័ត្នដោយសារតែនៅថ្ងៃទី ១៩ ខែសីហា ឆ្នាំ ២០២៥ នេះ គឺជាថ្ងៃវក ខែវក នៅក្នុងក្បួនហុងស៊ុយ។
ជាក់ស្ដែង អ្នកគ្រូបានបញ្ជាក់ឱ្យដឹងថា ៖ «ថ្ងៃទី ១៩ ខែសីហា ឆ្នាំ ២០២៥ ជាថ្ងៃវក ខែវក.. ដូចនេះបងប្អូនដែលមាន «ខាល» ក្នុងតួរាសី គួរមានការប្រុងប្រយ័ត្នខ្ពស់ ពិសេសមិនគួរធ្វើដំណើរផ្លូវឆ្ងាយ ចន្លោះពីម៉ោង ៣៖០០ ដល់ ៤៖៥៩ រសៀល ដែលជាម៉ោងវក»។
គួរឱ្យដឹងថា អ្នកគ្រូ ណាលី ត្រូវបានគេស្គាល់ថាជាគ្រូហុងស៊ុយបែបវិទ្យាសាស្ត្រមួយរូប ព្រមទាំងជាម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញ តាមរយៈការចែករំលែកចំណេះដឹងផ្នែកហុងស៊ុយ បែបវិទ្យាសាស្ត្រនៅក្នុងជីវិតរស់នៅ ក៏ដូចជាការណែនាំពីការរៀបចំពិធីនានា ឱ្យបានត្រឹមត្រូវតាមក្បួនហុងស៊ុយ៕
