លោកគ្រូចិនសែ ម៉ុង ត្រូវបានគេស្គាល់ថាជាគ្រូហុងស៊ុយបែបវិទ្យាសាស្ត្រមួយរូប តែងចែករំលែកពីក្បួនហុងស៊ុយ វិធីសាស្រ្ដសែនព្រេងបែបចិន និង គ្រឿងហុងស៊ុយផ្សេងៗ តាមរយៈផេក ហុងស៊ុយ ជាប្រយោជន៍សម្រាប់អ្នកចង់ស្វែងយល់ពីហុងស៊ុយក្នុងការរស់នៅប្រចាំថ្ងៃ ប្រចាំខែ និង ប្រចាំឆ្នាំជាដើម។
ថ្មីៗនេះ តាមរយៈផេករបស់លោកគ្រូដែលមានឈ្មោះ ហុងស៊ុយ បានចែករំលែកនូវជំនឿបុគ្គល ដែលគួរការពារប្រសើរជាងព្យាបាល ទៅលើរឿង ៣ យ៉ាង ដែលត្រូវប្រុងប្រយ័ត្នចាប់ពីពេលនេះរហូតដល់ថ្ងៃទី ៣ ខែកុម្ភៈ ឆ្នាំ ២០២៥ ខាងមុខ។
ពិតណាស់ លោកគ្រូបានបញ្ជាក់ឱ្យដឹងថា រឿងដែលត្រូវប្រយ័ត្នទាំង ៣ នោះមានដូចជា ៖
១. ករណីឆក់ចរន្ដអគ្គិសនីជាក្រុម ឬ តែម្នាក់។
២. ករណីគ្រោះថ្នាក់ចរាចរណ៍ជាមួយរថយន្តធំជាពិសេសពេលយប់ ហើយអាចកើតឡើងចំពោះអ្នកពាក់អាវធាតុទឹកដូចជា ទឹកប៊ិច ពណ៌ខ្មៅ។
៣. ករណីលង់ទឹក រអិលទឹក ឬ ករណីអត្តឃាតដោយសារទឹក គឺមានច្រើន ភាគច្រើនកើតចំពោះមនុស្សស្រី ដែលកើតឆ្នាំ 1994-1998-2004៕
ប្រភព ៖ ហុងស៊ុយ
