និយាយពីកញ្ញា រចនា រ៉ាវ៉ាឌី បច្ចុប្បន្នអាចចាត់ទុកជាតារាសម្ដែងស្រីវ័យក្មេងទទួលភាពជោគជ័យខ្លាំងក្នុងវិស័យសិល្បៈ តាមរយៈសមត្ថភាព និង ស្នាដៃលើវិស័យសម្ដែងរបស់នាងកន្លងមក។ លើសពីនេះ ក្រៅពីអាជីពសិល្បៈ រចនា រ៉ាវ៉ាឌី ត្រូវបានគេដឹងថានាងក៏មានកាន់កាប់មុខជំនួញផ្ទាល់ខ្លួនដែរ លើវិស័យអនឡាញដោយកំពុងដំណើរការយ៉ាងកាក់កប។
បើចាប់អារម្មណ៍លើជីវិតឯកជនវិញ គេតែងឃើញតារាសម្ដែងស្រីល្បីឈ្មោះរូបនេះ បង្ហាញជីវិតយ៉ាងហាយសូរ ជិះឡានទំនើបៗ ប្រើរបស់ប្រ៊េន ដើរកម្សាន្តយ៉ាងរីករាយទាំងក្នុង និង ក្រៅប្រទេស ចេញពីប្រទេសមួយទៅប្រទេសមួយយ៉ាងអភិជនជាមួយនឹងជីវិតនៅលីវរបស់នាង។
ដោយឡែក ថ្មីៗនេះ រចនា រ៉ាវ៉ាឌី កាន់តែធ្វើឱ្យមហាជនចាប់អារម្មណ៍សរសើរពីជីវិតឯកជនរបស់នាងហាក់កាន់តែជោគជ័យរស់នៅបែបអភិជន ខណៈបានឃើញនាងរៀបចំកម្មវិធីក្រុងពលីបុកគ្រឹះត្រៀមសាងសង់ផ្ទះវីឡាដ៏ធំប្រណីតមួយ កំពុងត្រូវបានអ្នកគាំទ្រ និង មិត្តសិល្បៈចូលរួមអបអរផងដែរ៕
