ជុំវិញរឿងរ៉ាវឯកជនរបស់កំពូលតារាចម្រៀងស្រី មាស សុខសោភា មួយរយៈមុនកន្លងទៅ លើហ្វេសប៊ុកមហាជនបានផ្ទុះចាប់អារម្មណ៍ចែករំលែកជាថ្មី ពាក់ព័ន្ធនឹងទំនាក់ទំនងរវាងអ្នកនាងជាមួយនឹងតាសក់សភ្នំត្បែង ដោយអ្វីកាន់តែមានការភ្ញាក់ផ្អើលខ្លាំង ក្រោយឃើញតាសក់សភ្នំត្បែងរូបនោះ បាននិយាយប្រកាសក្នុងការឡាយលើហ្វេសប៊ុកថាលោកជាស្វាមីរបស់កំពូលតារាស្រីរូបនេះ។
ដោយឡែក មកដល់ថ្មីៗនេះ ស្របពេលកំពុងផ្ទុះចែករំលែកវែកញែកជុំវិញការបង្ហោះសារមួយ របស់កំពូលតារាចម្រៀង មាស សុខសោភា ដែលនិយាយពីរឿងរ៉ាវប្រទេសជាតិ ដោយក្នុងនោះអ្វីធ្វើឱ្យមហាជនកាន់តែចាប់អារម្មណ៍ ខណៈឃើញមានការឆ្លើយឆ្លងខំមិនពីកំពូលតារាចម្រៀងរូបនេះ ជាមួយអ្នកគាំទ្រ ដោយឃើញអ្នកនាងប្រើពាក្យហៅតាសក់សភ្នំត្បែង ថា ស្វាមីៗ យ៉ាងច្បាស់។
ក្នុងការឆ្លើយតបខំមិននោះដែរ អ្នកលេងហ្វេសប៊ុកបានសួរទៅកាន់កំពូលតារាចម្រៀង មាស សុខសោភា ថា «លោកតាទៅណា» ដែលសំដៅដល់តាសក់សភ្នំត្បែង ហើយពេលនោះដែរ អ្នកនាង មាស សុខសោភា ក៏បានចូលឆ្លើយតបវិញថា ៖ «អ្នកមិនស័ក្តិសមជា fan របស់នាងខ្ញុំសោះ គាត់ជាស្វាមីរបស់នាងខ្ញុំ បើអ្នកមិនពេញចិត្តចូរអ្នកអូសរំលងចុះ ឬក៏នាងខ្ញុំ ban អ្នកចេញក៏បាន អរគុណ» លើសពីនេះ គេក៏ឃើញអ្នកនាង បានឆ្លើយតបទៅកាន់អ្នកគាំទ្រផ្សេងគ្នាស្រដៀងៗគ្នានេះដែរ ដែលនេះហាក់បញ្ជាក់កាន់តែច្បាស់លាស់ពីជីវិតឯកជនរបស់អ្នកទាំងពីរ៕
