កាលប្រកួតធ្វើម្ហូប MasterChef Cambodia រដូវកាលទី ៣ បានបញ្ចប់ទៅរយៈពេលប្រមាណជា ១ ឆ្នាំហើយ ប៉ុន្ដែកាលពីយប់ថ្ងៃទី ១៥ ខែកក្កដា ឆ្នាំ ២០២៥ រឿងរ៉ាវនៅពីក្រោយការប្រកួត និង ក្នុងអំឡុងពេលប្រកួតកាលនោះ ហាក់កំពុងផ្ទុះកក្រើកឡើងវិញជាថ្មី ដោយអតីតបេក្ខជនមួយចំនួនបានបង្ហោះសារទម្លាយរឿងរសើបជាច្រើនពាក់ព័ន្ធនឹងអត្តចរិតរបស់បេក្ខជនដូចគ្នា។
ទន្ទឹមនឹងការផ្ទុះកក្រើកនូវរឿងរ៉ាវកើតឡើងនៃការប្រកួតកាលឆ្នាំ ២០២៤ កន្លងទៅនេះដែរ មហាជនអ្នកគាំទ្រក៏កំពុងចាប់អារម្មណ៍ខ្លាំងទៅលើការបង្ហោះរបស់លោក សីលាបញ្ញា ដែលជាអតីតបេក្ខជនឆ្នើមមួយរូបក្នុងផ្ទះបាយ MasterChef Cambodia រដូវកាលទី ៣ ដោយលោកបានបង្ហោះសាររំឭកពីការ Save ខ្លួនឯងឡើងទៅតំបន់សុវត្ថិភាពរបស់មិត្តរួមប្រកួតម្នាក់ ធ្វើឱ្យទំនាក់ទំនងរវាងលោក និង មិត្តម្នាក់នោះ លែងដូចមុន។
បញ្ញា បានរៀបរាប់ថា ៖ «ខ្ញុំសុំនិយាយរឿងឆ្នាំមុន បន្តចុះ: (អីម៉ូជី-យំ) មុនដំបូងយើងស្និតស្នាលគ្នាណាស់ (គេងបន្ទប់ជាមួយគ្នា ហើយពូកតែ១ទៀត)។ តែតាំងពី Save ខ្លួនឯងហើយ យើងទាំងពីរផ្តើមមានទំនាស់ ព្រោះថា ៖
-តែងមើលងាយគេ ថាគេចេះមិនដល់ខ្លួន
-តាំងខ្លួនអាយុច្រើន ចង់ឱ្យគេធ្វើនេះធ្វើនោះតាមចិត្តខ្លួនចង់
-ឈ្លោះគ្នាកន្លែងញាំបាយ ដៀលឯងកប់ៗមាត់ ចុងក្រោយគេថាឯងអាក្រក់
+ចុងក្រោយចង់សួរថាសេវខ្លួនឯងហើយ ហ្នឹងបាន ៥០០០០$ អត់ ហើយសេវខ្លួនឯងមហាជនជេរ និង មហាជនអត់ជេរ ១ណាស្រណុកខ្លួនជាង?»។
ដ្បិតថាក្នុងផុសនោះ សីលាបញ្ញា មិនបានបញ្ជាក់ឈ្មោះមិត្តរួមប្រកួតរូបនោះចំៗក្ដី ប៉ុន្ដែមហាជនជាច្រើនសង្ស័យថាជា វីល្លៀម ព្រោះយោងតាមការខំមិនឆ្លងឆ្លើយជាមួយអ្នកគាំទ្ររបស់ បញ្ញា និង ការស៊ែរវីដេអូកាលពីឆ្នាំមុន គឺបានបង្ហាញយ៉ាងច្បាស់ ម្យ៉ាងវិញទៀត កាលនោះ វីល្លៀម ក៏ធ្លាប់ Save ខ្លួនឯង មិនជ្រើសរើស Save កូនក្រុម ពេលប្រកួតជាធីមផងដែរ៕
